Aegean Airlines

Aegean Airlines-ը Հունաստանի ազգային ավիափխադրողն է և հունական ամենամեծ ավիաընկերությունը՝ փոխադրվող ուղևորների ընդհանուր թվով, սպասարկվող ուղղությունների քանակով և նավատորմի չափով: «Star Ավիաընկերությունների Դաշինք»-ի անդամ է 2010 թվականի հունիսից. այն իրականացնում է կանոնավոր և չարտերային ծառայություններ Աթենքից և Սալոնիկից դեպի Հունաստանի տարբեր ուղղություններով, ինչպես նաև թռիչքներ է իրականացնում եվրոպական և մերձավորարևելյան մի շարք ուղղություններով: Նրա հիմնական կենտրոններն են Աթենքի միջազգային օդանավակայանը, Մակեդոնիա միջազգային օդանավակայանը Սալոնիկում և Լառնակա միջազգային օդանավակայանը Կիպրոսում: Այն որպես հանգույց օգտագործում է նաև հունական այլ օդանավակայաններ, որոնցից մի քանիսը սեզոնային են: Ավիաընկերության գլխամասային գրասենյակը գտնվում է Աթենքի արվարձան Կիֆիսիայում։

 Aegean Airlines-ի առևտրային գործունեությունը 2021 թվականին ներառում է կարճ և միջին հեռահարության կանոնավոր չվերթներ դեպի Եվրոպա և Մերձավոր Արևելք՝ ընդգրկելով 44 երկրների շուրջ 100 ներքին և միջազգային ուղղություններից բաղկացած ցանցը: Թռիչքները կատարում են Եվրոպայի ամենաերիտասարդ նավատորմերից մեկով: 2021 թվականի հունիսի դրությամբ Aegean Airlines-ը շահագործում է աբողջությամբ Էյրբաս ինքնաթիռներից բաղկացած նավատորմ, որը ներկայումս ներառում է 63 ինքնաթիռ:

 Aegean Airlines-ի կարգախոսներն են՝ «Բացահայտե՛ք Ձեր Հունաստանը» և «Այն «հեռավոր» ամենի համար, ինչը ցանկանում եք մոտեցնել»:

2018 թվականի հունիսին հայտարարվեց Հունաստանի ամենամեծ մասնավոր ներդրման մասին. 5 միլիարդ դոլար արժողությամբ Էյրբասի A320neo ընտանիքի մինչև 42 նոր սերնդի ինքնաթիռների պատվեր։

Aegean Airlines-ի նավատորմը բաղկացած է 40 Էյրբաս Ա320, 13 Էյրբաս Ա321, 1 Էյրբաս Ա319, 2 Dash 8-100, 8 Dash 8-Q400 և 2 ATR 42-600: AEGEAN-ի նավատորմի յուրաքանչյուր ինքնաթիռ համալրված է անվտանգության նորագույն և ամենաբարդ համակարգերով, ներառյալ TCAS (Ճանապարհային բախումներից խուսափելու համակարգ) և TAWS (Տարածքի իրազեկման և զգուշացման համակարգ): Նաև AEGEAN-ը հոգ է տանում շրջակա միջավայրի մասին և անընդհատ թարմացումներ է կատարում՝ նվազեցնելու աղմուկը, արտանետումները և վառելիքի սպառումը:

2013 թվականի հոկտեմբերի 23-ին Aegean Airlines-ը ձեռք բերեց Olympic Air-ը. արդյունքում ուղևորներին սկսեցին տրամադրվել թռիչքների հաճախականություն և կապեր, ինչպես նաև բարելավված հասանելիություն դեպի Հունաստանի կղզիներ, ներառյալ որոշ ավելի հեռավոր կղզիներ: Երկու փոխադրողներն էլ շարունակում են գործել առանձին ապրանքանիշերով։ Բացի այդ, Aegean Airlines-ը մասնակցել է Կիպրոսի ազգային ավիափոխադրող Cyprus Airways-ի սեփականաշնորհման մրցույթի եզրափակիչ փուլին։ Cyprus Airways-ի սնանկացումից հետո Aegean Airlines-ը հիմնեց կենտրոն Լառնակայի օդանավակայանում՝ այդպիսով սկսելով կանոնավոր չվերթներ դեպի կղզի և հակառակ ուղղությամբ, նաև տարբեր ուղղություններով և լրացնելով Cyprus Airways-ի ծառայությունների դադարեցման հետևանքով առաջացած սպասարկման բացը:

Miles+Bonus-ի ոսկե անդամները, ինչպես նաև Aegean Airlines ավիաընկերության չվերթով բիզնես դասով ճանապարհորդող ուղևորները կարող են մուտք գործել Aegean -նին պատկանող երեք Բիզնե լաունջներ՝ Աթենքում, Սալոնիկում և Լառնակայում:

Aegean Airlines-ը ներդրումներ է կատարում իր միջազգային ներկայությունն ամրապնդելու և հունական զբոսաշրջությանն աջակցելու համար ինչպես Աթենքում, այնպես էլ տարածաշրջանային օդանավակայաններում:

Aegean Cargo-ն մատուցում է տարբեր ապրանքների բեռնափոխադրման ծառայություններ՝ ելնելով հաճախորդների պահանջներից: Aegean Airlines բեռնափոխադրումների բաժինը հիմնադրվել է 2001 թվականին՝ հաճախորդներին լիարժեք ծառայություններ առաջարկելու նպատակով: Այսօր Aegean Airlines-ը բեռնափոխադրումների բաժինը գործում է ընկերության ցանցի գրեթե ողջ տարածքում՝ դեպի 145 միջազգային, ինչպես նաև հունական ուղղություններ՝ առաջարկելով օդանավակայան-օդանավակայան ծառայություններ բեռնափոխադրողների, ներմուծման/արտահանման ընկերությունների, փոստային և սուրհանդակային ընկերությունների և փոխադրման կարիք ունեցող անհատների համար։ 

Aegean Airlines-ը ստացել է Skytrax 4 աստղանի COVID-19 ավիաընկերության անվտանգության վարկանիշը անվտանգության միջոցառումների և առողջության և հիգիենայի բարելավված գործընթացների համար, որոնք ներդրվել են Aegean Airlines-ի կողմից կորոնավիրուսային համաճարակի ժամանակ:

Նաև Aegean Airlines-ը Skytrax-ից ունի 4 աստղանի ավիաընկերության կարգավիճակ՝ իր օդանավակայանի որակի և ապրանքների և անձնակազմի ծառայությունների որակի համար: