Avianca

Ավիանկան Կոլումբիայի ազգային ավիափոխադրողն է։ Ավիանկա ապրանքանիշը ներկայացնում է Լատինական Ամերիկայի ավիաընկերությունները, որոնք ինտեգրված են Avianca Holdings S.A.-ի մեջ. հիմնադրվել է 1919 թվականի դեկտեմբերի 5-ին Sociedad Colombo Alemana de Transporte Aéreo, SCADTA անունով: 1920 թվականի սեպտեմբերին, Ֆրից Համմերը որպես օդաչու, Վիլհեմ Շնուրրբուշը որպես երկրորդ օդաչու և Ստյուարտ Հոզիին որպես ուղևոր, SCADTA-ն կատարեց իր առաջին թռիչքը Բարանկիլլայի և Պուերտո Բերիոյի միջև։ SCADTA-ի միջոցով Ավիանկան աշխարհի երկրորդ ամենահին ավիաընկերությունն է KLM-ից հետո և նշեց իր 100-ամյակը 2019 թվականի դեկտեմբերին: Այն արևմտյան կիսագնդի ամենահին ավիաընկերությունն է:

Ավիանկայի կարգախոսն է՝ «Ամերիկայի առաջին ավիաընկերությունը»:

 Այսօր Ավիանկա ավիաընկերությունը մասնագիտացած է օդային բեռների և ուղևորափոխադրումների ոլորտում, սպասարկում է ավելի քան 108 ուղիղ ուղղություններ 26 երկրներում ամբողջ ամերիկյան և եվրոպական մայրցամաքներում՝ իր ժամանակակից 189 կարճ, միջին և հեռահար թռիչքների համար նախատեսված նորագույն տեխնոլոգիաներով հագեցած ինքնաթիռներով:

2021 թվականի սեպտեմբերի դրությամբ Ավիանկա նավատորմը բաղկացած է հետևյալ ինքնաթիռներից. 15 ATR-72, 13 Բոինգ 787, 8 Էյրբաս Ա330, 15 Էյրբաս Ա321, 67 Էյրբաս Ա320, 25 Էյրբաս Ա319, 6 Էյրբաս Ա330F բեռ, HK5335 - A320 և HK5319 - A320 ինքնաթիռներ:

Ավիանկայի գլխամասային գրասենյակը գտնվում է Բոգոտայում, DC, որի հիմնական կենտրոնը գտնվում է Էլ Դորադոյի միջազգային օդանավակայանում: Ավիանկան լատինաամերիկյան ութ ավիաընկերությունների խմբի դրոշակակիրն է, որոնց գործունեությունը միավորված է որպես մեկ ավիաընկերություն՝ օգտագործելով կոդերի փոխանակման համակարգը: Մինչև TACA-ի հետ միաձուլումը 2010 թվականին, այն ամբողջությամբ պատկանում էր Synergy Group S.A.-ին, որը հարավամերիկյան հոլդինգ է, որը հիմնադրվել է Գերման Էֆրոմովիչի կողմից և մասնագիտացած օդային տրանսպորտում: Ավիանկան դարձավ ավելի նորարար ավիաընկերություն, և 2011 թվականին մեկնարկեց LifeMiles-ի հաճախակի թռչող միասնական ծրագիրը: 2012 թվականին Ավիանկան դարձել է Star Alliance-ի պաշտոնական անդամ: Ավիաընկերության արժեթղթերը ըդգրկված է Կոլումբիայի ֆոնդային բորսայում, իսկ 2013 թվականի նոյեմբերին հոլդինգը հաստատակամորեն մուտք գործեց կապիտալի միջազգային շուկաներ՝ իր բաժնետոմսերը ներառելով նաև Նյու Յորքի ֆոնդային բորսայում:

2020 թվականի մայիսի 10-ին Ավիանկան ներկայացրեց Գլուխ 11-ի սնանկության հայցը Նյու Յորքի դատարանում և լուծարեց իր դուստր ձեռնարկությունը՝ Ավիանկա Պերունն՝ դառնալով խոշոր ավիաընկերություններից մեկը, որը դիմել էր սնանկության՝ COVID-19 համաճարակի ճգնաժամի պատճառով:

Բոգոտա, 2021 թվականի հուլիսի 28-ին Avianca-ն ստացել է Diamond սերտիֆիկացում APEX Health Safety-ից (Airline Passenger Experience Association)՝ սնուցված SimpliFlying-ի կողմից, որը սահմանել է համաշխարհային ստանդարտ՝ ավիաընկերությունների հիգիենայի և առողջության արձանագրությունները գնահատելու համար: Մինչ մրցանակի շնորհումը, ավիաընկերության կենսաանվտանգության միջոցառումները, որոնք իրականացվել են 2020 թվականին գործունեությունը վերսկսելուց հետո, ենթարկվել են աուդիտի՝ բոլոր ուղևորների համար ավելի անվտանգ ճանապարհորդություն երաշխավորելու համար: