Ռայնէյր

Ռայնէյր Հոլդինգը իռլանդական լոուքոստ ավիաընկերությունների խումբ է և որպես քույր ավիաընկերություններ ունի Ryanair UK, Buzz և Malta Air ընկերությունները: Ռայնէյրը Եվրոպայի խոշորագույն ավիաընկերություններից մեկն է և օրական իրականացնում է ավելի քան 2400 չվերթ: 2017 թվականին Ռայնէյրը դարձավ եվրոպական առաջին ավիաընկերությունը, որն արդեն տեղափոխվել է շուրջ 1 միլիարդ ուղևոր:

 

 

Ռայնէյրը գործում է որպես ավիափոխադրող ընկերություն: Ընկերությունը առաջարկում է չվերթներ, օգնություն ուղեբեռի հետ, տեղավորում հյուրանոցում, ճանապարհորդական ապահովագրություն և հարակից այլ ծառայություններ: Ռայնէյրը ծառայություններ է մատուցում ողջ Եվրոպայում: Ռայնէյրը մշտապես մրցակցության մեջ է Լուֆթհանզաի հետ:

 

 

Ռայնէյրը մեծ ճանապարհ է անցել Մեծ Բրիտանիայում օդային ճանապարհորդությունը առօրէական դարձնելու ուղղությամբ: Գործելով ըստ Southwest Airlines-ի բանաձևի՝ Ռայնէյրը հաճախակի կրկնակի-եռակի անգամ ավելացնում է իր չվերթները գործող երթուղիներում:

 

 

Ավիաընկերության կարգախոսները.
«Պարզ ցածր գներ»:
«Ռայնէյրը: Թռչել ավելի էժան»:

 

 

Դեղին քնարը կապույտ ֆոնի վրա Ռայնէյրի ապրանքանիշն է: Կապույտն ընտրվում է որպես հուսալիության, ոգու ուժի, ազգային միասնության և ազնվականության խորհրդանիշ: Տավիղն իր հերթին համարվում է Իռլանդիայի խորհրդանիշը, սկսած XIII դարից: Մինչ օրս կապույտ ֆոնի վրա դեղին տավիղը երկրի խորհրդանիշն է: Պատկերում պատկերված է թռչող մարդու նրբագեղ կազմվածք, որի թևերն ուղղված են դեպի վեր, ինչը խորհրդանշում է թռիչքի ազատությունը, հարմարավետությունն ու անվտանգությունը: Այսպիսով, Ռայնէյրի ապրանքանիշը միտված է ցույց տալու, որ ավիաընկերությունն իր հաճախորդների անվտանգությունն առաջին տեղում է դնում:

 

 

Ավիաընկերությունը հիմնադրվել է 1985 թ.-ին՝ իր տրամադրության տակ ունենալով շուրջ 25 աշխատակից: Առաջին բորտուղեկցորդ անձնակազմը ընտրվում է ըստ միջինից ցածր հասակի, որն անհրաժեշտ է փոքր ինքնաթիռ շահագործելու համար: Ավիաընկերությունը սկսում է նաև Եվրոպայում առաջին գնային պատերազմը՝ British Airways-ի կամ Aer Lingus-ի հետ՝ առաջարկելով մրցակցի առաջարկած գնից երկու անգամ էժան թռիչքներ:

 

 

Տարեկան շուջ 149 միլիոն ուղևորափոխադրում (նախքան Covid-19) օրական ավելի քան 2100 չվերթների 77 բազայից, ավիաընկերությունը միմիանց է կապում ավելի քան 240 ուղղություններ շուրջ 40 երկրներում: Ռայնէյրը ունի ավելի քան 16,000 բարձրակարգ հմտություններով օժտված ավիացիոն մասնագետների թիմ, որոնք տրամադրում են Եվրոպայի No.1 ժամանակային կատարողականը և ոլորտի առաջատար 35-ամյա անվտանգության ռեկորդը: Ռայնէյրը Եվրոպայի ամենամաքուր ավիաընկերությունների խումբն է, և Ռայնէյրով թռիչքներ կատարող հաճախորդները կարող են նվազեցնել CO2- ի արտանետումները մինչև 50%՝ եվրոպական 4 խոշոր ավիաընկերությունների հետ համեմատած:

 

 

Ռայնէյրի օդային նավատորմում ունի շուրջ 475 ինքնաթիռ: Ryanair-ը պատրաստվում է ևս $22 մլրդ դոլլար ներդնել 210 նոր Boeing 737-8200 «Gamechanger» ինքնաթիռներ ձեռք բերելու համար, ինչը նշանակում է 4%-ով ավելի շատ հյուրեր, 16%-ով ավելի քիչ վառելիքի այրում ու արտանետումներ և 40%-ով ավելի քիչ աղմուկ:

 

 

Առանձնահատկություններ, որոնք Ռայնէյրը գրավիչ ավիաընկերություն են դարձնում.

• Թռիչքները շատ էժան են. եթե Դուք շուտ եք ամրագրում Ձեր չվերթը, անկասկած, երկողմանի թռիչքներ կգտնեք 50 ֆունտ ստերլինգ արժեքով:
• Համաշխարհային հաղթող, երբ խոսքը վերաբերում է ճշտապահությանը. 2018-ին՝ ըստ ժամանակացույցի՝ Ռայնէյրին հաջողվել է իրականացնել իր բոլոր չվերթների շուրջ 88%-ը:
• Բազմաթիվ թռիչքներ տարբեր ուղղություններով. Ռայնէյրն օրական իրականացնում է ավելի քան 2.400 թռիչք և, միևնույն ժամանակ, օդային կամուրջ հանդիսանալով շուրջ 40 երկրների միջև:
• Դուք ստանում եք այն, ինչ վճարում եք. Եթե Լոնդոնի Ստենստեդից Բարսելոնա Էլ-Պրատ հանգստյան օրերին ճանապարհորդություն եք պատվիրել 45 ֆունտի դիմաց, ապա դա այն է, ինչ կստանաք: Դուք այնտեղ և հակառակ ուղղությամբ թռիչքներ կկատարեք, բայց Ձեզ չեն սպասարկի ոսկե սպասքով:

 

Այս ամենի հետ համակարծիք է նաև հաճախ ուղևորափոխադրումների մեջ գտնվող հաճախորդների համար նախատեսված Headforpoints.com կայքի խմբագիր Ռոբ Բերգեսը:

 

Նա ասել է. «Համաձայն եմ: Ոչ ոք ավելին չի արել եվրոպական ավիացիան վերափոխելու համար, քան Ռայնէյրը: Երբ ես ուսանող էի, նույնիսկ Լոնդոնից Փարիզ թռիչքն էր անհասանելի: Հայրս երբեք չի թռչել իր կյանքում: 2020-ի փետրվարին ես Ռայնէյրով միակողմանի թռա Պորտո՝ 5 ֆունտ ստեռլինգով: Ընդհանուր առմամբ ցածրարժեք ավիացիան այնքան բան է արել, որքան ԵՄ-ն` խրախուսելու մարդկանց ապրելու, աշխատելու և ուսումնասիրելու իրենց հայրենի երկրից դուրս առկա սահմանները:

 

 

 Ռայնէյրը իր օդանավակայանի և օդանավային ապրանքների և անձնակազմի սպասարկման որակի համար բրիտանական հեղինակավոր Skytrax հետազոտական ընկերության կողմից սերտիֆիկացվել է որպես 3 աստղանի ավիաընկերություն: Բրենդի վարկանիշը ներառում է նստատեղեր, հարմարություններ, սնունդ և ըմպելիքներ, IFE, մաքրություն և այլն, իսկ ծառայության գնահատականը նախատեսված է սպասարկող անձնակազմի համար: