Սիչուան Ավիաուղիներ

Սիչուան Ավիաուղիները (չին.՝ 四川航空, անգլ.՝ Sichuan Airlines) Չինաստանի արեւմտյան շրջանների ամենամեծ ավիաընկերությունն է: Ավիաընկերությունը գտնվում է Չենդուի Շուանգլյուի միջազգային օդանավակայանում (CTU), որը հիմնադրվել է 1986 թվականի սեպտեմբերի 19-ին: Հիմնադրումից երկու տարի անց այն իր առաջին չվերթն իրականացրեց Չենդուից դեպի Վանսիան շրջան: Այս իրադարձությանը հաջորդող հետագա տարիների ընթացքում Սիչուան Ավիաուղիները զգալիորեն աճել է: Այն այժմ ​​​​սպասարկում է երթուղային լայն ցանց, որը որը ներառում է 113 ներքին եւ 30 միջազգային ուղղություններ շուրջ 22 երկրներում:

Սիչուան Ավիաուղիների ապրանքանիշը ծովային ծիծեռնակն է կամ «Հայյան» (海燕), որը բարձր վեհությամբ խոյանում է վեր՝ խորհրդանշելով ավիաընկերության: Շրջանակը խորհրդանշում է երկիրը, իսկ չորս ալիքաձեւ նախշերը՝ հարյուր գետերը, որոնք թափվում են ծով եւ առաքինություն են բերում եւ համապատասխանում են Սիչուան Ավիաուղիների հիմնական արժեքներին՝ «ճշմարտություն», «բարություն», «գեղեցկություն», «սեր»՝ խորհրդանշելով, որ ավիաընկերության չվերթները մեկնարկում են ցամաքաից՝ կապելով ցամաքային քաղաքակրթության կայունությունը ծովային քաղաքակրթության արտաքին զարգացման հետ:

Սիչուան Ավիաուղիների երթուղային ցանցը ընդգրկում է Ասիան, Եվրոպան, Օվկիանիան, Հյուսիսային Ամերիկան ​​եւ Աֆրիկան:

Ավիընկերության ասիական հինական երթուղիներն են՝ Հոնկոնգը, Տոկիոն, Պեկինը, Օսական, Սեուլը, Շանհայը, Թայբեյը, Գուանչժոուն, Լհասան, Կունմինը, Ուրումչին, Կատմանդուն եւ այլն։

Միջազգային ցանցը ներառում է Սիդնեյը, Մելբուռնը, Օքլենդը, Կահիրեն, Դուբայը, Թել Ավիվը, Սինգապուրը, Բանգկոկը, Պրահան, Ցյուրիխը, Կոպենհագենը, Հռոմը, Հելսինկին, Վանկուվերը, Լոս Անջելեսը եւ այլն։

Սիչուան Ավիաուղիները շարունակում է կառուցել «Պանդա երթուղիներ» միջազգային երթուղային ցանցը եւ ակտիվորեն ներգրավված է «Մեկ գոտի, մեկ ճանապարհ» նախագծի նախաձեռնության մեջ։

Իր գործունեության մեկնարկից ի վեր Սիչուան ավիաուղիները 35 տարի շարունակ պահպանել է անվտանգ թռիչքների ռեկորդ։ Այն շահագործում է Չինաստանի ամենամեծ՝ միայն Էյրբաս ինքնաթիռներից բաղկացած նավատորմը՝ շուրջ 209 ինքնաթիռով, ինչպես նաեւ այն մայրցամաքային Չինաստանի ավիաընկերությունների առաջին խումբն է, որը ձեռք է բերել Էյրբաս Ա350։ Ամեն տարի մոտ 30 միլիոն ուղեւորի համար «Չինաստանի եւ Սիչուանի բնութագրերով» թռիչքային ծառայություններ մատուցելով՝ Սիչուան Ավիաուղիները Չինաստանի քաղաքացիական ավիացիայի առաջատարներից մեկն է ուղեւորների սպասարկման գոհունակության եւ թռիչքների ժամանակին կատարման առումով։

Սիչուան Ավիաուղիները առաջարկում է 2 տեսակի ճանապարհորդական դասեր՝ էկոնոմ եւ Բիզնես դասեր։

Էկոնոմ դաս. այս դասով ճանապարհորդող ուղեւորները կարող են հանգստանալ լայն, հարմարավետ նստատեղերում, որոնք հագեցած են ժամանակակից ժամանցային համակարգով (IFE)։ Ուղեւորներին թույլատրվում է տեղափոխել մինչև 10 կգ քաշ ունեցող ձեռքի ուղեբեռ, իսկ էկոնոմ դասի համար գրանցման համար նախատեսված պայուսակը կարող է կշռել մինչեւ 20 կգ։

Բիզնես դաս. ՍՍիչուան Ավիաուղիները ուղեւորներին տրամադրում է անկյունային նստատեղեր, որոնք հարմարավետ են երկար եւ կարճ երթուղիների համար։ Նստատեղը հագեցած է USB լիցքավորման վարդյակով եւ հագեցած IFE համակարգով։ Ինքնաթիռում մատուցվում են ձեռագործ ուտեստներ՝ գինիների եւ գարեջրի ընտրանիով։

Սիչուան Ավիաուղիները Skytrax-ի կողմից հավաստագրված է որպես 3-աստղանի ավիաընկերություն՝ օդանավակայանում եւ ինքնաթիռում մատուցվող ապրանքների եւ ծառայությունների համար, ինչպես նաեւ անձնակազմի սպասարկման որակի համար։ Ապրանքանիշը գնահատականը ներառում է նստատեղերը, հարմարությունները, սնունդը եւ խմիչքները, IFE-ն, մաքրությունը եւ այլն, իսկ սպասարկման գնահատականը վերաբերում է ինչպես սրահի անձնակազմին, այնպես էլ վերգետնյա անձնակազմին։