Sunwing

Sunwing Airlines-ը կանադական լոուքոսթեր ավիաընկերություն է: Ավիաընկերության իրավաբանական հասցեն Տորոնտոյում է: Sunwing-ը իր դեպի արեւոտ հարավ չվերթների թվով առաջատարն է Կանադայում: Ավիաընկերության նավատորմը երկրի ամենաարդիական եւ վառելիքախնայողատար ավիափոխադրողներից մեկն է. այն բաղկացած է ավելի քան 40 Բոինգ 737-800 եւ Բոինգ 737 MAX ինքնաթիռներից, որոնք հնարավորինս նվազեցնում են ածխաթթու գազի արտանետումները, հուսալի են, ծախսարդյունավետ եւ մատուցում են էկոլոգիապես մաքուր ծառայություններ:

Sunwing-ը ներկայումս հանդիսանում է WestJet-ի դուստր ավիաընկերություն: Նրա գլխավոր օդային հանգույցները տեղակայված են Մոնրեալ-Տրյուդոյի եւ Տորոնտոյի Փիրսոն միջազգային օդանավակայաններում:

Կանադայի եւ ԱՄՆ-ի օդանավակայաններից Sunwing Airlines-ի չվերթների ցանցը ներառում է Կարիբյան ավազանի, Մեքսիկայի եւ Կենտրոնական Ամերիկայի 45 ամենահայտնի ճամփորդական ուղղություններ: Դրանց թվում են՝ Վարադերոն, Պունտա Կանան, Կանկունը եւ Մոնտեգո Բեյը:

Կանադայում ավիաընկերությունը շահագործում է մի քանի ներքին երթուղիներ, այդ թվում՝ Տորոնտո-Վանկուվեր, որը գործում է ամեն օր, ինչպես նաեւ պահպանում է ամբողջ տարվա սպասարկումն իր ամենահայտնի ուղղություններով: Այլ ուղղությունների թվում են նաեւ՝ Եղջերվի լիճը, Գանդերը եւ Տորոնտոյից դեպի Նյու Բրանսուիք նահանգի նավահանգստային քաղաք Սեյնթ Ջոն ուղղությունը: Ավիաընկերությունը Կարիբյան ուղղությունները սպասարկում է Ատլանտայից, Բալթիմորից, Շառլոտ կղզիներից, Ցինցինատիից, Կոլումբուսից, Հյուսթոնից, Լենսինգից, Միլուոքիից, Նեշվիլից, Նոր Օռլեանից, Նյուարկից, Ֆիլադելֆիայից, Պիտսբուրգից եւ Ռոքֆորդից:

Բարձր սեզոնին ավիաընկերությունն իր 737-800 օդանավերից շատերն է ուղարկում Եվրոպա՝ TUI Խմբի եւ Smartwings-ի երթուղիները սպասարկելու համար: Իսկ ձմռան ամիսներին Tui-ն եւ Smartwings-ը փոխադարձաբար մի քանի ինքնաթիռներ են ուղարկում Կանադա՝ Sunwing երթուղիները սպասարկելու համար:

Օդանավում Sunwing-ն առաջարկում է թեթեւ նախուտեստներ եւ վճարովի մենյուից խմիչքներ:

Կանադայի որոշ օդանավակայաններում Sunwing-ի ուղեւորները՝ իրենց թռիչքից մինչեւ երեք ժամ առաջ, կարող են իրենց սպասաժամը անցկացնել Plaza Premium լաունջ հարմարավետ սրահներում, որտեղ կխուսափեն օդանավակայանի ամբոխից եւ աղմուկից՝ փոխարենը կվայելեն հարմարավետ նստատեղերը, կօգտվեն տաք ճաշասրահից, ինքնասպասարկվող բարից, ցնցուղներից, ամսագրերից, հեռուստացույցից եւ Wi-Fi-ից: Ներկայումս Plaza Premium լաունջ սրահների տեղակայման վայրերեը եւ քանակը հետեւյալն են՝
 

• Toronto Plaza Premium Lounge (6 լաունջ)
• Edmonton Plaza Premium Lounge (2 Լաունջ)
• Vancouver Plaza Premium Lounge (4 Լաունջ)
• Montreal Air France Lounge-ը. շահագործվում է Plaza Premium խմբի կողմից

Sunwing Airlines-ը բրիտանական հեղինակավոր Skytrax-ի կողմից հավաստագրվել է որպես 3 աստղանի լոուքոսթեր՝ իր օդանավակայանի որակի եւ ինքնաթիռի արտադրանքի ու անձնակազմի սպասարկման համար: Ծառայությունների եւ ապրանքների վարկանիշը ներառում է նստատեղեր, հարմարություններ, սնունդ եւ խմիչքներ, IFE, մաքրություն եւ այլն, իսկ սպասարկման վարկանիշը նախատեսված են ինչպես օդանավի սրահի, այնպես էլ վերգետնյա անձնակազմի համար: