Շրջայց-Տուր Վենետիկով

Այս հեքիաթային 2-ժամյա շրջագայության ընթացքում Դուք էլ ավելի կսիրեք Վենետիկը: Տուրը նախատեսված է Վենետիկի իրական սիրահարների համար: Սա պարզապես շրջայց չէ, այն Վենետիկի ոգու բանալին է:

Շրջայցը տեղի կունենա ջրանցքների եւ կալեների (իտալ. Calle, որը Վենետիկին բնորոշ փողոցներ են) լաբիրինթոսում՝ հնարավորություն ընձեռելով բացահայտելու քաղաքի թաքնված գոհարները եւ քաղաքին վերաբերող անհայտ պատմությունները: Զգացեք «Հառաչների» կամրջի շունչը եւ «Մեծ ջրանցքի» վեհությունը, որտեղ գոնդոլները (իտալ.՝ góndola, որը վենետիկյան ավանդական թիանավակն է եւ, իրավմամբ,  Վենետիկի խորհրդանիշերից մեկն է) լողում են հոյակապ պալատների կողքով:

Այնուհետեւ կզբոսնենք «կալե» սալահատակ փողոցներով, կվայելենք վենետիկյան աշխույժ կյանքը եւ այդ ընթացքում կբացահայտենք այնպիսի վայրեր, ինչպիսիք են Մոցարտի նախկին նստավայրը եւ լեգենդար Ֆենիս թատրոնը, կհիանաք Սանտա Մարիա դելլա Սալյուտե տաճարի ճախրող գեղեցկությամբ եւ կզգաց Ռիալտոյի շուկայի վառ էներգիան:

Ֆրարիի բազիլիկայի եւ Ակադեմիա դել Գալերեայի մոտով անցնելիս ավելին կիմանաք Տիցիանի ժառանգության մասին: Շրջայցի ընթացքում Ձեր կատարած յուրաքանչյուր քայլով Վենետիկի նկատմամբ ձեր կիրքն ավելի կուժեղանա: