Շրջայց-Տուր Ուֆֆիցի Պատկերասրահով

Ուֆֆիցիի պատկերասրահով մեր այս շրջագայությունը չափազանց հետաքրքրաշարժ է եւ հիշարժան: Ձեր արդեն ամրագրված տոմսով կմիանաք փոքրիկ խմբին, որին ձեր փորձառու գիտ-էքսկուրսավարը կառաջնորդի դեպի այս անմոռանալի փորձառությունը:

Պատկերասրահում կվայելեք հնագույն քանդակների եւ կտավների գեղեցկությունը, որոնք համադրված են միջնադարյան ժամանակներից մինչեւ Վերածննդի օրերը:

Հետեւելով մեր տուրի երթուղուն՝ բացահայտեք համաշխարհային հռչակ վայելող այնպիսի ստեղծագործություններ, ինչպիսիք են՝ Բոտիչելիի «Պրիմավերան» եւ նրա «Վեներայի ծնունդը», «Քրիստոսի մկրտությունը», «Մոգերի երկրպագությունը», Լեոնարդո դա Վինչիի «Ավետումը», Պիեռո դելլա Ֆրանչեսկայի հեղինակած Դքսի եւ «Ուրբինոյի դքսուհու» դիմանկարները, Միքելանջելոյի՝ «Դոնի տոնդոն», Կարավաջոյի՝ «Մեդուզա» եւ  «Բաքոս» կտավները եւ այլն։

Ուֆֆիցիի պալատը ինքնին Վերածննդի ճարտարապետության գլուխգործոց է, որը կառուցվել է 1560-ից 1580 թվականներին Ջորջիո Վազարիի կողմից Կոսիմո I դե Մեդիչիի համար՝ Ֆլորեցիայի դատական մարմինների գրասենյակները (իտալերեն՝ Ուֆֆիցի) տեղավորելու նպատակով։

Ֆրանչեսկո I դե Մեդիչին որոշել էր Ուֆֆիցին պատկերասրահի վերածել՝ իրեն պատկանող արվեստի գործերը պահելու նպատակով։ Ուֆֆիցիի վերափոխմամբ ծնվեց Եվրոպայի առաջին եւ ամենահին թանգարանը, որի մուտքը ազատ չէր հանրության համար, բայցեւայնպես հատուկ հարցմամբ հնարավոր էր այցելել:

Միացե՛ք մեր այս յուրատեսակ փորձառությանը եւ ավելին իմացե՛ք Ուֆֆիցիի մասին: