Գինետուր Օեստեում

Լիսաբոնից Ճանապարհ ընկե´ք արեւմուտք՝ դեպի Օեստե շրջանի գրավիչ բնապատկերներ, դրախտային մի վայր, որը պարփակված է Մոնտեժունտու լեռների եւ Ատլանտյան օվկիանոսի միջեւ․ այստեղ վեհաշուք գագաթներից ներքեւ սփռված են զմրուխտագույն դաշտերն ու պտղաբեր այգիները։ Տեղի «Պորտուգալիայի այգի» անվամբ հայտնի «Օեստե»-ն իր մեջ թաքցնում է ճարտարապետական հարստություն, հարուս խոհանոց եւ հնագույն ավանդույթներ։

Բացի իր պտղաբեր հողերից, տարածաշրջանը հայտնի է նաև իր նրբաճաշակ գինեգործական մշակույթով, որը թաքցնում է շատ ավելի գրավիչ մի բան՝ ազնվական գինու մշակույթ, որի արմատները գնում են դեպի ավանդույթները, հողի ուժը եւ ժամանակը:

Փորձառությունը ներառում է արեւմտյան Պորտուգալիայի երկու ամենանշանավոր գինեգործարանները։
Քայլե´ք տեղի խաղողի այգիներով, որտեղ Ատլանտյան զով քամիների ազդեցության ներքո այստեղ ձեւավորվում է խաղողի բնավորությունը։ Մտե´ք պատմական մառաններ, որտեղ կաղնու տակառներում հասունանում են տարածաշրջանի լավագույն գինիները։ Հյուրընկալների ջերմ ուղեկցությամբ բացահայտե´ք Լիսաբոնի գինու տարածաշրջանի յուրահատկությունները՝ համտեսելով նրբագեղ սպիտակ, կարմիր եւ տեղանքին բնորոշ ինքնատիպ տեսակներ. յուրաքանչյուր բաժակ արտացոլում է ափի հանքային թարմությունը։ 

Համտեսների միջև ընկած ժամանակահատվածում վայելեք գյուղական Պորտուգալիայի խաղաղ անդորրը, որտեղ ճարտարապետությունը, խոհանոցը եւ հարուս ժառանգությունը ներդաշնակորեն միաձուլվում են։

Օրվա ավարտին դուք կվերադառնաք Լիսաբոն։