Էյր Բուլղարիա

Էյր Բուլղարիան (անգլ.՝ Bulgaria Air) Բուլղարիայի ազգային ազգային ավիափոխադրողն է: Ավիաընկերության գլխավոր օդային հանգույցը եւ կենտրոնական գրասենյակը գտնվում է Սոֆիայի օդանավակայանում (SOF): Ավիաընկերությունը կարճ եւ միջին հեռահարության չվերթներ է իրականացնում եվրոպական եւ մերձավորարեւելյան ուղղություններով: Ընկերության մշտապես ձգտում իր նոր, անվտանգ եւ հարմարավետ ինքնաթիռներով իր հաճախորդներին առաջարկել բարձրակարգ ծառայություններ՝ շարունակաբար կատարելագործելով իր ծառայությունները։

Էյր Բուլղարիան կանոնավոր չվերթներ է իրականացնում Սոֆիայից դեպի Եվրոպայի եւ Մերձավոր Արևելքի 29 խոշոր քաղաքներ, զուգահեռաբար կանոնավոր ներքին չվերթներ իրականացնելով Սոֆիայից Վառնա եւ Բուրգաս: Ավելի լայն ճանապարհորդական կարիքների համար ավիաընկերությունը նաև պատվերով չարտերային չվերթներ է իրականացնում ավելի քան 100 ուղղություններով: Ռազմավարական փոխգործակցության շնորհիվ Էյր Բուլղարիան ընդլայնում է իր հասանելիությունը՝ հաճախորդներին առաջարկելով անխափան ճամփորդական հնարավորություններ դեպի Եվրոպայի, Ասիայի, Աֆրիկայի եւ Հյուսիսային Ամերիկայի ավելի քան 400 քաղաքներ: Ավիաընկերությունը մշտապես ձգտում է լինել նախընտրելի ընտրություն դեպի Բուլղարիա եւ Բուլղարիայից արտերկիր չվերթների համար։

Այսօր Էյր Բուլղարիան գործող ինքնաթիռների նավատորմը բաղկացած է հետեւյալ ինքնաթիռներից՝ 2 Էյրբաս Ա220-100, 5 Էյրբաս Ա220-300, 1 Էյրբաս Ա319-100, 5 Էյրբաս Ա320-200 եւ 4 Էմբրաեր ERJ-190։

Էյր Բուլղարիան մշտապես նվիրված է իր բոլոր ուղեւորների համար հուսալի եւ հարմարավետ ուղեւորափոխադրումներով ապահովելուն։ Ավիաընկերության ուղեւորները իրենց չվերթների համար կարող են ընտրել Էկոնոմ կամ Բիզնես դաս։

Էկոնոմ դաս. Էկոնոմ դասի ուղեւորները ստանում են բարձրակրգ սպասարկում, իսկ ավիաընկերության բարյացակամ անձնակազմը մշտապես պատրաստ է օգնել։ Թռիչքի ընթացքում ուղեւորները կարող են վայելել ավիաընկերության թռիչքի ճաշացանկից բազմազան սնունդ եւ խմիչքներ, ինչպես նաև ուղեւորներին հասու են ժամանցի հնարավորություններ։

Նստատեղերը դասավորված են 2 x 2 կամ 3 x 3 կոնֆիգուրացիայով։ Նստատեղերը նախագծված են լայնություն եւ ոտքերի համար բավարար տարածք ապահովելու համար։

Բիզնես դաս. Էյր Բուլղարիայի Բիզնես դասը նախատեսված է ճանապարհորդության հարմարավետությունը առավել բարձրացնելու համար՝ ապահովելով իսկապես բարձրակարգ ճամփորդական փորձառությամբ։ Այս դասը ընտրող ուղեւորները օգտվում են հետեւյալից.
 

• Առաջնահերթ գրանցում եւ նստեցում,
   
• 4 ուտեստից բաղկացած համեղ ճաշացանկ,
   
• 1 միավոր ուղեբեռի գրանցման լրացուցիչ հասանելիություն,
   
• Օդանավակայանի բիզնես լաունջ սրահներից օգտվելու հնարավորություն,
   
• Եվրոպական երթուղիներում առանձնացված 2x2 բիզնես դասի նստատեղերով,
   
• Ավելի շատ միավորներ FLY MORE հաճախակի թռիչքների ծրագրի շրջանակներում,
   
• Բարձրակարգ հարմարավետություն եւ հարմարություն ողջ ճանապարհորդության ընթացքում:

Էյր Բուլղարիան Skytrax-ի կողմից հավաստագրված է որպես 3-աստղանի ավիաընկերություն՝ իր օդանավակայանային եւ ինքնաթիռում մատուցվող ապրանքների եւ ծառայությունների, ինչպես նաև անձնակազմի սպասարկման որակի համար։

Էյր Բուլղարիա նաև ունի Բուլ Էյր (անգլ.՝ Bul Air) դուստր ավիաընկերություն, որը Էյր Բուլղարիայի չարթերային ապրանքանիշն է։ Բուլ Էյրը շահագործում է Բոինգ 737-300 ինքնաթիռներ։ Այն իր ինքնաթիռներ շահագործում է գլխավորապես Բուլղարիայի երեք հիմնական օդանավակայաններից՝ Սոֆիա, Բուրգաս եւ Վառնա, հիմնականում չարթերային եւ ներքին չվերթներով՝ հանդես գալով Էյր Բուլղարիա մայր ընկերության անունից։