ՍԱՈՒԴԻԱ

Սաուդական Ավիաուղիները, այսուհետ՝ ՍԱՈՒԴԻԱ (անգլ.՝ SAUDIA), տարիների ընթացքում դարձել է Մերձավոր Արեւելքի զբոսաշրջային արդյունաբերության առաջամարտիկը: ՍԱՈՒԴԻԱ-ն Սաուդյան Արաբիայի ազգային ավիափոխադրողն է, որը տեղակայված է Ջիդայում։ Ավիաընկերության հիմնական գործառնական բազան գտնվում է Ջիդայի Աբդուլազիզ թագավորի անվան միջազգային օդանավակայանում (JED): Խալիդի թագավորի անվան միջազգային օդանավակայանը (RUH) Էր-Ռիադում եւ Ֆահդի թագավորի անվա միջազգային օդանավակայանը (KFIA) Դամամում երկրորդական հանգույցներ են: Հանդիսանալով տարածաշրջանի ամենափորձառու ավիաընկերություններից մեկը՝ ավիաընկերությունը  տարածաշրջանում եւ ամբողջ աշխարհում նոր աստիճանի է բարձրացրել հաճախորդների սպասարկման գերազանցության չափանիշները՝ միաժամանակ առանցքային դեր խաղալով Սաուդյան Արաբիայի թագավորության ավիափոխադրումների զարգացման գործում:

2012 թվականի մայիսի 29-ին ՍԱՈՒԴԻԱ-ն միացավ SkyTeam ավիաընկերությունների դաշինքին՝ դառնալով Պարսից ծոցի առաջին ավիափոխադրողը, որը միացավ երեք խոշոր ավիաընկերությունների դաշինքներից մեկին: Այն ունի ծածկագրերի համօգտագործման (codeshare) պայմանագրեր համաշխարհային այնպիսի առաջատար ավիաընկերությունների հետ, ինչպիսիք են Middle East Airlines, KLM, Աերոֆլոտը, Էյր Եվրոպան եւ Էյր Ֆրանսը:

Այսօր ՍԱՈՒԴԻԱ-ն ունի աշխարհի ամենաարդիական օդային նավատորմերից մեկը, որը չվերթներ է իրականացնում Ջիդայի նորագույն տերմինալ 1-ից: Սպասարկման գերազանցության վերջին նորամուծություններով եւ բարձրակարգ ծառայություններով ՍԱՈՒԴԻԱ-ն շարունակում է սաուդական ջերմ հյուրընկալությամբ ընդունել աշխարհին՝ ողջունելով իր ուղեւորներին Սաուդյան Արաբիայում:

Այսօր ՍԱՈՒԴԻԱ-ն շահագործում է 167 ինքնաթիռներից բաղկացած արդիական նավատորմ, ներառյալ ներկայիս հասանելի վերջին եւ առաջադեմ լայնաթափք ինքնաթիռները՝ Բոինգ 787-9, Բոինգ 777-268L, Բոինգ 777-300ER, Էյրբաս Ա320-200, Էյրբաս Ա321 եւ Էյրբաս Ա330-300: Ընկերության ռազմավարությանը համապատասխան՝ ավիաընկերության պահանջների վերաբերյալ համապարփակ ուսումնասիրություններ կատարելուց հետո ՍԱՈՒԴԻԱ-ն շարունակաբար ժամանակակից ինքնաթիռներ է ձեռք բերում աշխարհի խոշոր արտադրողներից՝ իր ներքին, տարածաշրջանային եւ միջազգային թռիչքների համար:

«Աստծուց բացի այլ աստված չկա. Մուհամմադը Աստծո առաքյալն է» կարգախոսի ներքո ՍԱՈՒԴԻԱ-ն կանոնավոր չվերթներ է իրականացնում աշխարհի ավելի քան 90 ուղղություններով դեպի Ասիա, Աֆրիկա, Եվրոպա, Մերձավոր Արեւելք եւ Հյուսիսային Ամերիկա: 

ՍԱՈՒԴԻԱ-ն թռչում է հետեւյալ ուղղություններով՝
 

• Սաուդյան Արաբիա՝ Աբհա, Ադ Դավադմի, Ալ Մադինահ, Ալ Ահսա, Ալ Ուլա, Արար, Բահա, Բիշա, Դամամ, Գասիմ, Գիզան, Գուրայաթ, Կարկուտ, , Հեյլ, Շարուրա, Թաբուք, Ջիդդա, Ջուֆ, Նեջրան, ՆԵՈՄ, Քայսումահ, Ռաֆհա, Ռիյադ, Ռիյադ, Վեջհ, Վադի Ալ Դավասիր, Յանբու:

• Մերձավոր Արևելք՝ Աբու Դաբի, Ամման, Բահրեյն, Բեյրութ, Դոհա, Դուբայ, Քուվեյթ, Մուսկատ:

• Ասիա՝ Դաքա, Պեկին, Գուանչժոու, Բանգալոր, Չեննա, Կոչին, Դելի, Հայդերաբադ, Կոժիկոդե, Լաքնաու, Մումբայ, Ջակարտա, Կուալա Լումպուր, Մալե, Իսլամաբադ, Կարաչի, Լահոր, Մուլթան, Փեշավար, Մանիլա, Սինգապուր, Սեուլ:

• Աֆրիկա՝ Ադիս Աբեբա, Ալեքսանդրիա, Ալժիր, Կահիրե, Կասաբլանկա, Յոհանեսբուրգ, Կանո, Խարտում, Մարաքեշ, Մավրիկիոս, Նայրոբի, Պորտ, Սուդան, Շարմ էլ-Շեյխ, Թունիս:

• Եվրոպա՝ Ամստերդամ, Աթենք, Բարսելոնա, Ֆրանկֆուրտ, Ժնեւ, Կոստանդնուպոլիս, Լոնդոն, Մադրիդ, Մալագա, Մանչեսթեր, Միլան, Մոսկվա, Միկոնոս, Մյունխեն, Փարիզ, Հռոմ եւ Վիեննա:

• Հյուսիսային Ամերիակա՝ Չիկագո, Լոս Անջելես, Նյու Յորք, Վաշինգտոն:

Գործարարներին եւ ընկերությունների աշխատակիցներին տեղափոխելու համար ՍԱՈՒԴԻԱ-ն տրամադրում է տարբեր տեսակի մասնավոր ինքնաթիռներ մինչև 400 ուղեւորատարությամբ:

SAUDIA-ն իր Առաջին եւ Բիզնես դասի ուղեւորներին, ինչպես նաեւ Alfursan Gold եւ Silver անդամների համար առաջարկում է բարձրակարգ լաունջ սրահներ: Ուղեւորները բիզնես սպասասրահներում հնարավորություն ունեն վայելելու տաք եւ սառը ուտեստների հիանալի ընտրանի: Սննդի ընտրանի, որը ներառում է ինչպես տեղական, այնպես էլ արտասահմանյան ուտեստներ: ՍԱՈՒԴԻԱ-ն սննդի եւ ըմպելիքների համար տրամադրում է առանձին տարածք, որը թույլ է տալիս ընտանիքներին կամ անհատներին նստել եւ վայելել իրենց ճաշը: Առկա է նաեւ առանձին հանգստի գոտի, որտեղ հյուրերը իրենց հաջորդ թռիչքից առաջ կարող են հանգստանալ եւ վերականգնվել: Ուղեւորները կարող են պառկել եւ լիցքաթափվել հանգստի համար նախատեսված հարմարավետ նստատեղերում: Ընկերությունը հասկանում է, որ եթե հյուրերի երեխաները ուրախ են, ապա դա օգնում է հյուրերին հանգստանալ եւ վայելել իրենց թռիչքը: Ավիաընկերությունը հատուկ երեխաների համար ստեղծել է հիանալի սենյակ, որտեղ երեխաներին զբաղեցնեում են տարատեսակ տեսախաղերով, մանկական տարաբնույթ փորձառություններով:

Գործարարների համար ավիաընկերությունը առաջարկում է առանձին բիզնես տարածքը, որը լիովին ապահովված է աշխատանքային հարմարություններով՝ մասնավոր գրասեղաններով եւ ինտերնետ հասանելիությամբ. սա իդեալական վայր է հանգիստ եւ արդյունավետ աշխատանքի համար: Սա թույլ է տալիս հյուրերին առավելագույնի հասցնել իրենց աշխատանքային ժամանակը թռիչքին սպասելիս: Ընդարձակ նստատեղերը հագեցած են հեռուստացույցի էկրաններով եւ թերթերի ու ամսագրերի ընտրանիով:

Առկա է սննդի ինքնասպասարկման վաճառասեղան՝ խմիչքներով եւ խորտիկներով. սա հասանելի է նաեւ նրանց համար, ովքեր ժամանակ չունեն պատշաճ սնվելու համար:

SAUDIA-յի լաունջները հագեցած են ցնցուղներով: Հյուրերը թռիչքից առաջ կարող են լոգանք ընդունել:

SAUDIA-ն արժանացել է 4-աստղանի ավիաընկերության հավաստագրմանը Skytrax-ի կողմից իր օդանավակայանի որակի եւ ինքնաթիռի արտադրանքի եւ անձնակազմի սպասարկման համար: Ապրանքի վարկանիշը ներառում է նստատեղեր, հարմարություններ, սնունդ եւ խմիչքներ, IFE, մաքրություն եւ այլն. սպասարկման վարկանիշը նախատեսված է ինչպես օդանավի, այնպես էլ օդանավակայանի անձնակազմի համար: