Starlux

Թայվանական STARLUX Ավիաուղիները բարձրակարգ ուղեւորափոխադրումներ մատուցող կենսունակ ավիաընկերություն է, որի իրավաբանական հասցեն Թայբեյում է: Ավիաընկերությունը իր առաջին թռիչքը իրականացրեց 2020 թվականին՝ իր Թայբեյ - Մակաո առաջին երթուղով։ Հիմնադրվելով 2016 թվականին, STARLUX-ը իր գործունեությունը ծավալում է Թայվանի Թաոյուան ​​միջազգային օդանավակայանում (TPE) գտնվող իր գլխավոր օդային հանգույցից՝ ապահովելով բարձրակարգ ճանապարհորդական փորձ։ Ներկայումս այն սպասարկում է 11 երկրների 2 ներքին եւ 28 միջազգային ուղղություններ։

2024 թվականի սեպտեմբերի 16-ին Starlux-ը հայտարարեց հեղինակավոր Oneworld ավիաընկերությունների դաշինքին միանալու մտադրության մասին։

2025 թվականի մայիսի դրությամբ Starlux-ը շահագործում է բացառապես Էյրբաս օդանավերից բաղկացած արդիական նավատորմ, որը բաղկացած է հետեւյալ ինքնաթիռներից՝ 13 Էյրբաս Ա321neo, 5 Էյրբաս Ա330-900 եւ 10 Էյրբաս Ա350-900։

P.Seven-ի հիմնադիր Յու-Չին Պանի կողմից STARLUX-ի համար նախագծված «Home in the Air» դիզայնը բացառապես ստեղծվել է սրահների ինտերերի համար՝ ուղեւորներին ճանապարհորդության ընթացքում յուրօրինակ փորձառություն ապահովելու նպատակով։ Այն ուղեւորների մոտ յուրատեսակ հարմարավետության զգացողություն է առաջացնում: Սրահներում օդը հարստացվում է յուրատեսակ անուշահոտ բույրերով, որոնք ճանապարհորդին հաղորդում են տիեզերքում սահելու հանգիստ եւ թարմացնող զգացողություն՝ ապահովելով հյուրընկալ եւ հարմարավետ մթնոլորտ։ 

Սրահի լուսավորությունը նախատեսված է տարբեր իրավիճակների համար՝ նստելու, ճաշելու կամ քնելու: Գիշերային թռիչքների ժամանակ լուսավորությունը ստեղծում է քնի օպտիմալ միջավայր՝ օգնելով ուղեւորներին հանգստանալ եւ վերականգնվել իրենց ճանապարհորդության հաջորդ փուլի համար։

STARLUX-ը սննդի ընտրության լայն հնարավորություն է ընձեռնում բոլոր սրահների դասերի համար նախքական թռիչքը: Սրահներում մատուցված ուտեստները աշխարհի տարբեր երկրների տեղական խոհանոցների ընտրանիների համատեղությունն է դասական կամ ստեղծագործական խոհարարական ոճերի եւ աշխարհի տարբեր երկրների սեզոնային բաղադրիչների հետ։

STARLUX-ը իր թռիչքներում առաջարկում է սրահի չորս դասեր՝ Առաջին կարգ, Բիզնես, Պրեմիում Էկոնոմ եւ Էկոնոմ։

Առաջին կարգը առաջարկվում է միայն Էյրբաս Ա350-900 ինքնաթիռներում, որոնց խցիկներն ունեն չորս նստատեղ՝ 1-2-1 դասավորությամբ: Նստատեղերը կարող են վերածվել լիովին հարթ դիրքի եւ ունեն դուռ՝ 60 դյույմ (152 սմ) բարձրությամբ միջնորմով: Նստատեղերն ունեն անձնական մինի-բար, ինչպես նաև 32 դյույմ (81.3 սմ) տեսաէկրան եւ անձնական զգեստապահարան: Խցիկը, ըստ երեւույթին, չունի միջնորմային բաժանում, քանի որ բիզնես դասի խցիկը գտնվում է հետեւում: Տաոյուան ​​օդանավակայանից մեկնող առաջին դասի ուղեւորներին անձնական վարորդով տեղափոխում են Հուան Յուի VIP տերմինալ:

Բիզնես դասի նստատեղերը թույլ են տալիս ուղեւորներին վայելելու հարմարավետ թռիչքները։ Մուգ նստատեղը ծածկված է ավելի բաց գույնի մեջքի հենակով՝ մետաղական եզրագծով, ստեղծելով մեկուսի անձնական տարածք բիզնես դասի ուղեւորի համար։ Սեւ երանգների վրա ստեղծված հյուսվածքները ապահովում են տեսողական խորություն եւ հարուստ շոշափելիություն։ Երկրաչափական եւ օրգանական նախշերի օգտագործումը դինամիկ հակադրություն է ստեղծում նստատեղի եւ սրահի միջեւ։

Բիզնես դասում STARLUX-ը առաջարկում է Միշլենի շեֆ-խոհարարների կողմից ստեղծված բացառիկ ճաշացանկ՝ գինիների հարուստ ընտրանիով։ Ավիաընկերությունը համագործակցում է Միշլենի աստղանիշով ռեստորանների եւ հայտնի սննդի ու խմիչքի ապրանքանիշերի հետ՝ տարբեր տարածաշրջանների խոհարարական մշակույթները համատեղելու տաղանդավոր խոհարարների խոհարարական հնարամտության հետ՝ ուղեւորներին երկնքում համեղ ուտեստներով եւ խմիչքներով մատուցելու համար։

Պրեմիում էկոնոմ դասը առաջարկվում է միայն Էյրբաս Ա350-900-ում, որն առաջարկում է 36 Recaro PL3530 նստատեղեր՝ 2-4-2 դասավորությամբ: Նստատեղերն ունեն 40 դյույմանոց (101.6 սմ) թեքություն եւ անհատապես հագեցած են սրունքների հենարաններով եւ ոտքերի հենակներով, ինչպես նաեւ 15.6 դյույմանոց (39.6 սմ) IFE սենսորային մոնիտորներով:

Էկոնոմ դասի ուղեւորները կարող են բարելավել իրենց ճամփորդական փորձառությունը՝ առաջարկելով մի շարք հարմարություններ, այդ թվում՝ ատամի խոզանակներ, քնելու համար ակնոցներ, ականջակալներ, հողաթափեր եւ այլն, որոնք միտված են բարձրացնելու ուղեւորների հարմարավետության աստիճանը: Սրահն առանձնանում է վառ, չեզոք երանգի մեջքի հենակով, որը համադրված է նստատեղի ծածկոցի եւ գլխակալի տաք, բնական երանգների հետ՝ ստեղծելով ընդարձակ եւ հյուրընկալ մթնոլորտ։ Գործվածքային կազմը ներկայացնում է վառ, բազմագույն թելերից հյուսված ռիթմիկ գծային մոտիվներ, որոնք նրբագեղության երանգ են հաղորդում։ Մաքուր գծերը եւ մեջքի հենակների բազմազան նախշերը նստատեղերին հաղորդում են ժամանակակից կահույքին բնորոշ նրբագեղություն։