Տրանսավիա

Magelline-ում մենք հավատում ենք, որ ճանապարհորդությունը դառնում է առավել իմաստալից այն ժամանակ, երբ այն պարզ է, մարդկային եւ բաց։ Հենց այդ պատճառով էլ մենք ուրախությամբ ներկայացնում ենք Տրանսավիան՝ ավիաընկերություն, որը աննկատելիորեն փոխակերպել է միլիոնավոր ուղեւորների պատկերացումները ճանապարհորդության ձեւի ու բովանդակության մասին:
Տրանսավիան մշտապես կարեւորում է մատչելիությունը։ Այն վերածում է հեռավորությունը հնարավորության, իսկ թռիչքները՝ նոր բաց դռների․ լինի դա արդեն ծանոթ մայրաքաղաք, թե Միջերկրական ծովի այլ գրավիչ ուղղություն, որը վաղուց սպասում է բացահայտման։

Նիդեռլանդական արմատների եւ լայն եվրոպական սփռվածության շնորհիվ՝ Տրանսավիան դարձել է ճանաչելի ու մրցունակ ողջ եվրոպական ավիացիոն շուկայում։ Որպես Էյր Ֆրանս–KLM խմբի մաս՝ այն համատեղում է ցածրարժեք ավիափոխադրողի արդյունավետությունը խոշոր ավիացիոն ընտանիքի կայունության եւ փորձի հետ։
Ավիաընկերության երթուղային ցանցը կառուցված է ցանցային գաղափարի շուրջ՝ ուղիղ ու պարզ թռիչքներով միացնելով քաղաքներ, տարածաշրջաններ եւ մշակույթներ, որոնք ամբողջությամբ բավարարում են ժամանակակից ճանապարհորդի բոլոր պահանջները։

Տրանսավիայի երթուղիները արտացոլում են եվրոպական ռիթմը՝ աշխույժ մայրաքաղաքներ, ծովափնյա հանգստավայրեր, մշակութային կենտրոններ եւ սեզոնային ուղղություններ։ Կենտրոնանալով կարճ եւ միջին հեռահարության թռիչքների վրա՝ ավիաընկերությունը նպասում է ինքնաբուխ ճանապարհորդություններին, ճկուն պլանավորմանը եւ նոր վայրեր հայտնաբերելու ձգտմանը՝ առանց ճանապարհորդության մասին երկար ու ձիգ մտածելու։

Նիդեռլանդներից, Ֆրանսիայից, Գերմանիայից եւ այլ եվրոպական երկրներից ավիաընկերությունը ուղեւորներին առաջարկում է սահմանները հատելու հեշտ, մատչելի եւ վստահելի միջոց։

Տրանսավիայի ինքնաթիռներում ամեն ինչ կառուցված է պարզության շուրջ։ Սրահը ամբողջությամբ պատկանում է Էկոնոմ Դասին՝ հարմարավետ եւ գործնական կարճ ու միջին հեռավորության թռիչքների համար։ Ուղեւորները կարող են ընտրել նստատեղերը եւ օգտվել ինքնաթիռում առաջարկվող սննդից ու ըմպելիքներից՝ կազմելով իրենց ճանապարհորդությունը հենց իրենց նախընտրած ձեւով։

Այս հստակությունն ու պարզությունը Տրանսավիայի գլխավոր առավելություններից են․ առանց ավելորդ շերտերի, առանց խառնաշփոթի — պարզապես թռիչքներ, որոնք աշխատում են։

Տրանսավիան շարունակ ներդրումներ է կատարում ավելի արդյունավետ վառելիքախնայաողատար շարժիչների վրա՝ ելնելով իր շրջակա միջավայրի նկատմամբ որդեգրած պատասխանատվությունից։ Ժամանակակից ինքնաթիռները, ավելի հանգիստ շարժիչները, ավելի քիչ վառելիքի սպառումը եւ խելամիտ օպերացիոն մոտեցումները նպաստում են շրջակա միջավայրի վրա ազդեցության նվազեցմանը՝ միաժամանակ պահպանելով վստահելի ծառայությունը։

Magelline-ի տեսանկյունից Տրանսավիան ունի ժամանակակից եվրոպական մտածելակերպ՝ բաց, գործնական, լուռ ու վստահելի։ Սա ավիաընկերություն է այն ճանապարհորդների համար, ովքեր գնահատում են շարժման ազատությունը, ազնիվ գնային քաղաքականությունը եւ պարզ, մատչելի ուղեւորափոխադրումները։

Տրանսավիան չի ձգտում շքեղության․ այն պարզապես դարձնում է Եվրոպան ավելի հասանելի։ Եվ երբեմն հենց դա է ընդգծում ճանապարհորդության իրական արժեքը։