Air Serbia

Էյր Սերբիան (անգլերեն՝ Air Serbia) Սերբիայի ազգային ավիափոխադրողն է։ Ընկերության կենտրոնական գրասենյակը գտնվում է Սերբիայի մայրաքաղաք Բելգրադում, իսկ գլխավոր հանգույցը Բելգրադի Նիկոլա Տեսլա օդանավակայանն է։ «Nova Krilla Evrope» կարգախոսի ներքո (թարգմանաբար՝ «Եվրոպայի նոր թեւեր») այն թռիչքներ է իրականացնում շուրջ 63 ուղղություններով դեպի Եվրոպա, Միջերկրականի ավազանի երկրներ, Մերձավոր Արևելք, Հյուսիսային Ամերիկա և Աֆրիկա: Ավիաընկերությունը իրականացնում է ինչպես ուղևորափոխադրումներ, այնպես էլ բեռնափոխադրումներ:

Էյր Սերբիան հիմնադրվել է 1927 թվականին, երբ ստեղծվեց քաղաքացիական օդային տրանսպորտի առաջին սերբական «Աերոփութ» ընկերությունը: Aeroput-ը սերբերի, խորվաթների և սլովենների թագավորության, այնուհետև Հարավսլավիայի թագավորության ազգային ավիաընկերությունն էր, որը ժամանակին դասվում էր աշխարհի լավագույն քաղաքացիական ավիաընկերությունների շարքում՝ 10-րդը Եվրոպայում և 21-րդը աշխարհում: 1927 թվականը նաև այն տարին էր, երբ Բելգրադը դարձավ մայրաքաղաք, որը նշանավորվեց նաև տեղում  միջազգային օդանավակայանի բացմամբ: Բացի իր ներքին ուղղություններով ուղևորների, փոստի և բեռների սպասարկումից, 1929 թվականին Aeroput-ը բացեց իր առաջին կանոնավոր միջազգային երթուղին՝ Բելգրադ - Զագրեբ - Գրաց - Վիեննա: 1930-ական թվականներին այն ընդլայնվեց. բացվեցին նոր երթուղիներ դեպի Ավստրիա, Չեխոսլովակիա, Հունգարիա, Ռումինիա, Բուլղարիա, Հունաստան, Թուրքիա, Ալբանիա և Իտալիա։ Այս նոր երթուղիներն օգնեցին նրան դիրքավորվել որպես տարածաշրջանային խոշոր ավիաընկերություն:

Էյր Սերբիան 1961 թվականից ի վեր օդային տրանսպորտի միջազգային ասոցիացիայի (IATA) անդամ է։

2016-ին Էյր Սերբիան պատմություն կերտեց՝ գործարկելով անդրատլանտյան ծառայություն Բելգրադի և Նյու Յորքի միջև՝ 24 տարվա ընդմիջումից հետո նորից միացնելով Սերբիան և Միացյալ Նահանգները:

2022 թվականի հունվարի դրությամբ Էյր Սերբիան շահագործում է ժամանակակից օդային նավատորմ, որը ներկայումս բաղկացած է երկու լայնաթափք, 10 նեղ թափքով և հինգ տուրբոպրոպիլային ինքնաթիռներից՝ 5 ATR 72, 10 Էյրբաս Ա319-100, 1 Էյրբաս Ա320-200, 1 Էյրբաս Ա330-200.

Էյր Սերբիան ուղևորներին առաջարկում է չվերթերի ամրագրման ժամանակ ընտրել ավիատոմսի չորս սակագների միջև՝ «Economy Light», «Economy Standard», «Economy Comfort» և «Business All Inclusive» - տարբերվում են ստուգված ուղեբեռի չափով, ամսաթվի փոփոխման ճկունությամբ և օժանդակ ծառայություններով, որոնք կարող են հարմարեցվել մարդու կարիքներին: Սերբիայի ազգային ավիափոխադրողի ուղևորներն ընտրելով իրենց նախընտրած սակագինը, ցանկացած պահի մինչև իրենց թռիչքը կարող են ձեռք բերել օժանդակ ծառայություններ, ինչպիսիք են առաջնահերթ նստեցումը, նստատեղերի առաջնահերթ ընտրությունը կամ Պրեմիում լաունջի մուտքը: Ստեղծվել և բարելավվել են բազմաթիվ հնարավորություններ և ապրանքների լայն տեսականի, այնպես որ յուրաքանչյուր ուղևոր կարող է ամեն անգամ ճանապարհորդել Էյր Սերբիայով՝ ստանալով բարձրակարգ ծառայություններ:

Էյր Սերբիան հավաստագրված է որպես 3 աստղանի ավիաընկերություն Skytrax-ի կողմից՝ իր օդանավակայանի որակի և ինքնաթիռի արտադրանքի և անձնակազմի սպասարկման համար: Ապրանքի վարկանիշը ներառում է նստատեղեր, հարմարություններ, սնունդ և խմիչքներ, IFE, մաքրություն և այլն, և սպասարկման վարկանիշը նախատեսված է ինչպես սրահային անձնակազմի, այնպես էլ վերգետնյա անձնակազմի համար: