Էյրքալին

Էյրքալինը (անգլ.՝ Aircalin) Նոր Կալեդոնիայի ֆրանսիական հավաքականության խորհրդանիշն է, որի իրավաբանական հասցեն գտնվում է Նումեայում, որը 1983 թվականից ի վեր հպարտությամբ իր մեջ է կրում կղզեախմբի ոգին։ Սպասարկելով ավելի քան 100 ուղղություն եւ համագործակցելով շուրջ 60 ավիաընկերությունների հետ՝ Էյրքալինը Նոր Կալեդոնիան կապում է խաղաղօվկիանոսյան ավազանի եւ դրանից դուրս գտնվող ուղղությունների հետ՝ խթանելով մշակութային եւ առեւտրային փոխառությունները, մասնավորապես՝ ֆրանսիական արտատարածքների հետ։ Մոտ 500 աշխատուժով ավիաընկերությունը մարմնավորում է կալեդոնական արժեքները՝ համատեղելով հյուրընկալությունը, անվտանգությունը եւ շրջակա միջավայրի նկատմաբ պատասխանատվությունը՝ ապահովելով համաշխարհային մակարդակի ճանապարհորդական փորձառություն։

Էյրքալինը շահագործում է երկու Էյրբաս Ա330neo եւ երկու Էյրբաս Ա320neo ինքնաթիռներից բաղկացած նավատորմ, որոնք նախատեսված են հարմարավետ եւ բարձրակարգ չվերթների համար։ Այս ժամանակակից ինքնաթիռները՝ ի տարբերություն նախորդ օդանավերի մոդելների, ամեն նստատեղի հաշվով վառելիքի սպառումը եւ ածխածնի արտանետումները կրճատում են 15-20%-ով՝ ապացուցելով Էյրքալինի շրջակա միջավայրի պահպանության նկատմամբ իր որդեգրած հանձնառությունը։ Օդանավերը հպարտությամբ հանդես են գալիս Նոր Կալեդոնիան խորհրդանշող գույների մեջ, իսկ ճամփորդական դասերը՝ իրենց յուրահատուկ սրահներով հիշեցնում են կալեդոնական հեքիաթային լանդշաֆտը՝ ծառայելով որպես տարածաշրջանի բնական գեղեցկության դեսպաններ. Բիզնես Հիբիսկուս դասը հիշեցնում է կղզեախմբի ափամերձ գիծը, Պրեմիում Էկոնոմ դասը՝ տեղի անտառային գոտին, իսկ Էկոնոմ դասը խորհրդանշում է ծովածոցը։

2022 թվականին Էյրքալինը սկսեց ուղիղ չվերթներ իրականացնել Նումեա-Սինգապուր երթուղով՝ նոր օդային դարպասներ բացելով դեպի Հարավարևելյան Ասիա եւ Եվրոպա։ 2024 թվականի Նոր Կալեդոնիայում հասունացած ճգնաժամին ի պատասխան՝ Էյրքալինը Բանգկոկի միջով շաբաթական երկու անգամ ձեռնարկեց նոր չվերթներ Նումեա-Փարիզ երթուղով, որը Նոր Կալեդոնիան Փարիզի հետ կապում է ընդամենը 23 ժամում։ Ավիաընկերությունը նշեց իր 42-ամյակը 2025 թվականին։

Էյրքալինի սրահները նախագծված են ուղևորների հարմարավետության համար՝ առանձնանալով հանգիստ ինտերիերով, յուրաքանչյուր թռիչքային փուլին հարմարեցված լուսավորությամբ եւ  ժամանցային էկրաններով։ Բոլոր դասերը (Բիզնես Հիբիսկուս (հասանելի է A330neo օդանավերում), Պրեմիում Էկոնոմ եւ Էկոնոմ) առաջարկում են պրեմիում նստատեղեր, USB լիցքավորում, հյուրընկալ եւ բարձրակարգ սպասարկում։

Էկոնոմ դաս. Էյրբաս Ա330neo-ում 244 նստատեղով եւ Ա320neo-ում մինչեւ 168 նստատեղով, Էկոնոմ դասը արտացոլում է Նոր Կալեդոնիայի ծովածոցը՝ կապույտի երանգներով և օվկիանոսից ոգեշնչված մոտիվներով: Հատկանիշների թվում են հարմարավետ փրփուրե նստատեղերը, 110 վոլտանոց վարդակը (Ա330neo) եւ Seat Plus տարբերակները՝ ոտքերի լրացուցիչ տարածքի կամ առաջնահերթ վայրէջքի համար:

Պրեմիում Էկոնոմ դաս. Առաջարկելով 2-4 շարքերով մեկուսի խցիկ, այս դասը ներկայացնում է Նոր Կալեդոնիայի բուսական աշխարհը, այդ թվում՝ Ֆիլոդենդրոնը եւ տեղի խորհրդանշական սոճին: Ուղեւորները վայելում են հատուկ առաջնակարգ գրանցում, առաջնահերթ նստեցում եւ ստանում են յուրօրինակ ծառայություններ, ինչպիսիք են շամպայնը, համեղ ուտեստները եւ ոտքերի համար ընդարձակ տարածքը (Ա330neo օդանավերում մինչեւ 96 սմ):

Բիզնես Հիբիսկուս դաս. Էյրբաս Ա330neo ինքնաթիռներում առաջարկվող այս բացառիկ դասը համատեղում է Նոր Կալեդոնիայի եւ համաշխարհային խոհանոցի յուրօրինակ համերը՝ իր մատուցվող ճաշացանկերով, որոնք մատուցվում են նուրբ ճենապակուց պատրաստված սպասքով: Սրահի դիզայնը, ինչպես արդեն վերը նշվեց, խորհրդանշում է կղզեախմբի ափամերձ գիծը: Այս դասում մատուցվում է պրեմիում սպասարկում, հյուրերին մատուցվում է՝ բարձրակարգ գինիներ, որոնք ուղեւորների թռիչքի փորձառությունը բարձրացնում են նոր մակարդակի:

2023 թվականին Էյրքալինի գինիների ընտրանին «Business Traveller Cellars in the Sky» արարողության ժամանակ արժանացավ երկու գերազանցության մրցանակի՝ ոսկե մեդալով բիզնես դասի քաղցր գինու համար եւ արծաթե մեդալով սպիտակ գինու համար։

Էյրքալինի ճաշացանկը առանձնանում է իր «à la carte» ճաշացանկերով, ինչպիսիք են Gourmet Breakfast-ը, Hamburger-ը և Gourmet Cold Plate-ը։ Բիզնես Հիբիսկուսի եւ Պրեմիում Էկոնոմի ուղեւորները վայելում են Էյրքալինի խոհարարի կողմից պատրաստված ուտեստները, որոնք համատեղում են Նոր Կալեդոնյան եւ ֆրանսիական խոհանոցը համաշխարհային ազդեցությունների հետ՝ զուգորդված պարբերաբար թարմացվող ֆրանսիական գինիների եւ շամպայնների հետ։

Էյրքալինիը հետամուտ է համաշխարհային ավիացիայի ամենաբարձր չափանիշներին՝ գործելով «Եվրոպական Ավիացիոն Անվտանգության Գործակալության» (EASA) շրջանակներում։ 2007 թվականից ի վեր ավիաընկերությունը պահպանում է IOSA (Operational Safety Audit) հավաստագիրը «Միջազգային Օդային Տրանսպորտի Ասոցիացիայի» (IATA) կողմից, որը թարմացվում է երկամյա ժամկետով՝ խիստ անվտանգության չափանիշներին համապատասխանությունն ապահովելու նպատակով։

Որպես նոր կալեդոնական ընկերություն՝ Էյրքալինիը ամենուրեք ներկայացնում է կղզեախմբի անխաթար գեղեցկությունն ու մշակութային բազմազանությունը։ Նրա ինքնաթիռներն ու ծառայությունները արտացոլում են Նոր Կալեդոնիայի լանդշաֆտներն ու ժառանգությունը, մինչդեռ շրջակա միջավայրի պաշտպանության նախաձեռնությունները, ներառյալ նավատորմի արդիականացումը, ընդգծում են ածխածնային հետքի կրճատման հանձնառությունը: Ավելի քան 60 գործընկեր ավիաընկերությունների հետ առեւտրային համաձայնագրերի շնորհիվ Էյրքալինիը ծառայում է որպես կարեւորագույն կապող օղակ Նոր Կալեդոնիայի եւ աշխարհի միջեւ։

Արդեն 42 տարի շարունակ Էյրքալինիը ախափան թռիչքներ է իրականացնում տարբեր մայրցամաքներով՝ համատեղելով Խաղաղօվկիանոսյան ջերմությունը նորարարության հետ: Ժամանակակից նավատորմով, մրցանակակիր սպասարկմամբ եւ մշակույթները կապելու կրքով՝ Էյրքալինիը հպարտությամբ շարունակում է թռչել դեպի նոր հորիզոններ: