Վրացական Ավիաուղիներ

Վրացական Ավիաուղիները (անգլ.՝ Georgian Airways), որը նախկինում հանդես էր գալիս Airzena ապրանքանիշի անվան ներքո, այժմ, իրավմամբ, Վրաստանի ազգային ավիափոխադրողն է։ Ավիաընկերության գլխավոր օդային հանգույցը տեղակայված է Թբիլիսիի միջազգային օդանավակայանում (TBS)։

Վրացական Ավիաուղիները Թբիլիսիից ուղիղ չվերթներ է իրականացնում դեպի Եվրոպա եւ այլ ուղղություններ։ «Թռչեք մեզ հետ» կարգախոսի ներքո ավիաընկերությունը Թբիլիսիից ուղիղ չվերթներ է իրականացնում հետևյալ ուղղություններով՝ Փարիզ, Նիցցա, Վիեննա, Ամստերդամ, Բեռլին, Մյունխեն, Միլան-Բերգամո, Լառնակա, Թել Ավիվ, Սանկտ Պետերբուրգ, Մոսկվա եւ Երևան։

2025 թվականի հուլիսի դրությամբ Վրացական Ավիաուղիները շահագործում է 10 ինքնաթիռ, որոնք գլխավորապես Բոինգ կամ Բոմբարդիեր CRJ-100 սերիայի են։ 

Ավիաընկերությունը մատուցում է բազմատեսակ ճանապարհորդական կարիքները՝ առաջարկելով չորս տարբեր սակագնային փաթեթներ.
 

• Հիմնական (Light կամ Basic). սա ամենացածր սակագնային առաջարկն է։ Սակայն այն չի ներառում անվճար ուղեբեռ եւ փոփոխելու կամ չեղարկման դեպքում վերադարձ չի նախատեսում։
   
• Ստանդարտ (Standard). սա եւս ենթադրում է ցածր սակագին՝ գրանցված ուղեբեռով։ Ամսաթվի փոփոխությունը հնարավոր է հավելյալ փոփոխման վճարի եւ, եթե կիրառելի է, ուղեբեռի տարբերության դիմաց։ Ստանդարտ դասի տոմսը եւս վերադարձ ենթակա չէ։
   
• Ֆլեքսի (Flexi). սա ճկուն սակագնային առաջարկ է՝ անվճար ամսաթվի փոփոխության հնարավորությամբ, կարող է կիրառվել միայն ուղեբեռի տարբերությունը։ Տոմսի վերադարձը հնարավոր է նաև չեղարկման վճարի դիմաց։
   
• Բիզնես (Business). այս դասի սակագնային առաջարկը ներառում է հատուկ ճաշ եւ հարմարավետ նստատեղեր ինքնաթիռում: Սակագնային պլանը ենթադրում է ամբողջական տոմսի վերադարձ կամ անհրաժեշտության դեպքում ենթակա է փոփոխման առանց որեւէ լրացուցիչ վճարի։

Վրացական Ավիաուղիների համար անվտանգությունը թիվ 1 առաջնահերթությունն է. IOSA չափանիշներին եւ պահանջվող անվտանգության միջոցառումներին համապատասխանությունը օգնում է ավիաընկերությանը ապահովել գործառնական անվտանգություն բոլոր հիմնական սեգմենտներում, որը ապահովում է առավել բարձր մակարդակի արդյունավետություն։

2010 թվականին Վրացական Ավիաուղիները դարձավ IATA-ի անդամ: IATA-ի անդամ դառնալու համար ավիաընկերությունը անցավ IATA-ի գործառնական անվտանգության աուդիտ (IOSA), որը միջազգային ճանաչում ունեցող եւ ընդունված գնահատման համակարգ է՝ նախատեսված ավիաընկերության գործառնական կառավարման եւ վերահսկման համակարգերը գնահատելու համար։ Անհրաժեշտ է նշել, որ IOSA ծրագրի շրջանակներում աուդիտի են ենթարկվում ավիաընկերության գործունեության հետեւյալ ուղղությունները.

• Սրահի սպասարկում,
• Չվերթների իրականացում,
• Գործառնական անվտանգություն,
• Բեռնափոխադրումների իրականացում,
• Օդանավերի տեխնիկական սպասարկում,
• Օդանավերի ինժեներատեխնիկական սպասարկում,
• Կորպորատիվ գործառնությունների կազմակերպում եւ կառավարում,
• Գործառնական կառավարում / թռիչքային դիսպետչերական ծառայություններ:

Բոլոր որակավորված օդաչուները, որոնց միջին տարիքը 30-45 տարեկան է, ունեն II եւ III կատեգորիաների հավաստագրեր, որոնք նրանց որակավորում են անբարենպաստ եղանակային պայմաններում թռիչքներ կատարելու համար: Անձնակազմերը անցնում են նախնական տեսական եւ գործնական ուսուցում, ինչպես նաև վեցամսյա վերապատրաստում Բոինգ եւ CRJ սիմուլյատորների վրա հետեւյալ ուսումնական կենտրոններում.
 

• ICARE ուսումնական կենտրոն (Ֆրանսիա),
• UAB Cam&Cons (Վիլնյուս, Լիտվա),
• Pan American Flight Academy (Մայամի, Ֆլորիդա):