LATAM

LATAM Ավիընկերությունների Խումբն ավիացիոն հոլդինգային ընկերություն է, որի գլխամասային գրասենյակը գտնվում է Չիլիի Սանտյագո քաղաքում: Այն համարվում է Լատինական Ամերիկայի ամենամեծ ավիաընկերությունը՝ իր դուստր ձեռնարկություններով Բրազիլիայում, Կոլումբիայում, Էկվադորում, Պարագվայում եւ Պերուում։

LATAM Ավիընկերությունների Խումբը ծնվել 2012թ.-ին LAN եւ TAM ավիափոխադրողների համատեղ գործունեության արդյունքում:

TAM-ը 2010 թվականից պաշտոնապես հանդիսանում էր համաշխարհային հեղինակավոր Սթար® ավիաընկերությունների դաշինքի անդամ: 2014 թվականին TAM-ը միացավ Oneworld® ավիաընկերությունների դաշինքին:

2013 թվականի մարտի 7-ին LATAM-ը հայտարարեց Oneworld-ը որպես իր գլոբալ ավիաընկերությունների դաշինք ընտրելու իր վերջնական որոշման մասին: Արդյունքում, 2014 թվականի երկրորդ եռամսյակին TAM-ը լքեց Star Alliance-ը՝ միանալով Oneworld-ին:

LATAM Խումբը մշակեց հաջորդ տարիների հզոր ռազմավարական ծրագիր՝ նպատակ ունենալով դառնալ աշխարհի ամենակարեւոր ավիաընկերությունների խմբերից մեկը:

2019 թվականի սեպտեմբերի 26-ին Դելտա Էյրլայնսը հայտարարեց LATAM-ի 20%-ը 1,9 միլիարդ դոլարով գնելու իր պլանների մասին՝ նպատակ ունենալով ընդլայնելու Դելտաի մուտքը Լատինական Ամերիկայի շուկա: Բացի այդ, Դելտան պարտավորվել էր վճարել LATAM-ի՝ ելքի վճարը Oneworld-ից եւ իր վրա էր վերցրել բոլոր Էյրբաս A350 XWB ինքնաթիռների առաքումը, որոնք LATAM-ն ուներ պատվերով: 2020 թվականի հունվարի 1-ին հաղորդվեց, որ Դելտա Էյրլայնսի կողմից LATAM խմբի 20% բաժնետոմսերի ձեռքբերումն ավարտվել է:

LATAM-ի օդային նավատորմը բաղկացած է ժամանակակից Բոինգ եւ Էյրբաս ինքնաթիռներից, որոնք ձեռք են բերվել ուղեւորների ճամփորդական փորձառությունը հնարավորինս բարելավելու համար: Այս ինքնաթիռներն ունեն ժամանակակից դիզայն եւ հագեցած են նորագույն տեխնոլոգիաներով՝ ապահովելով ճանապարհորդներին ավելի մեծ հարմարավետություն, անվտանգություն եւ արդյունավետություն իրենց ճանապարհորդության ընթացքում:

LATAM Խմբի օդային նավատորմը բաղկացած է 342 ինքնաթիռներից.
 

• 40 Էյրբաս A319-100,

• 27 Էյրբաս Ա320neo,

• 135 Էյրբաս Ա320-200,

• 49 Էյրբաս Ա321-200,

• 14 Էյրբաս Ա321neo,

• 30 Բոինգ 767-300,

• 10 Բոինգ 777-300ER,

• 10 Բոինգ 787-8 Դրիմլայներ,

  27 Բոինգ 787-9 Դրիմլայներ:
   

LATAM-ը բրիտանական հեղինակավոր Skytrax -ի կողմից դասվել է 3-աստղանի ավիաընկերությունների շարքին օդանավակայաններում եւ օդանավերում իր ծառայությունների որակի, ինչպես նաեւ անձնակազմի սպասարկման համար: Ապրանքանիշի վարկանիշը ներառում է նստատեղեր, հարմարություններ, սնունդ եւ ըմպելիքներ, IFE (թռիչքի ժամանցի համակարգ), մաքրություն եւ այլն, իսկ ծառայության գնահատականը նախատեսված է ինչպես օդնավին սպասարկող անձնակազմի, այնպես էլ վերգետնյա ծառայողների համար: