Վրաստանի ամեն անկյուն լի է խորհրդավոր եւ տպավորիչ հուշարձաններով։ Բարձունքների վրա վեր խոյացող հնագույն վանական համալիրներից մինչև ապարների մեջ հորատված վիմափոր քաղաքներ, ձյունածածկ գագաթներից սնվող ամբողջական հովիտներ՝ ծածկված խաղողի այգիներով, սրանք են այն տեսարժան վայրերը, որոնք պետք է ներառվեն Վրաստանը բացահյտող ամեն ճամփորդական երթուղում։

Թբիլիսիի Հին Քաղաք
Հին Քաղաքը դեպի Նարիկալա ամրոց տանող պատշգամբներով տների, բնական ջերմային աղբյուրներով սնվող լոգարանների եւ նեղ փողոցների լաբիրինթոս է։ Գիշերները Կուր գետի ջրերում արտացոլվում է բերդի պարիսպների փայլը։

Տեղանքը բացահայտելու լավագույն եղանակը տեղանքում զբոսնելն է՝ զուգահեռ դադար առնելով տեղի Աբանոթուբանիի ծծմբային բաղնիքներում, որոնք կառուցվել են բնական աղբյուրների վրա՝ 17-19-րդ դարերում։

Մցխեթա. Ջվարի և Սվետիցխովելի
ՅՈՒՆԵՍԿՕ-ի ցուցակում ընդգրկված քաղաք, որը գտնվում է Թբիլիսիից անմիջապես դուրս։ Ջվարի վանքը պսակում է բլուրը, որտեղ միաձուլվում են երկու գետեր, իսկ ստորեւ Սվետիցխովելին է՝ Վրաստանի ուղղափառ եկեղեցու գլխավոր մայր տաճարը։

Կեսօրյա տուրը Թբիլիսիից իդեալական է այս մշակութային գոհարները բացահայտելու համար։

Գերգեթիի Սուրբ Երրորդություն Եկեղեցի
Եկեղեցին թվագրվում է տասնչորսերորդ դարով, որը վեր է խոյանում Ստեփանծմինդայից վերև գտնվող բլրի վրա, շրջապատված Կազբեկ լեռի ձյունածածկ գագաթով։ Խեւի նահանգի միակ խաչաձև գմբեթավոր տիպի եկեղեցին է։ Տաճարին կից պահպանվել է միջնադարյան զանգակատուն։ Այստեղ հասնելու համար անհրաժեշտ է կամ զառիթափ բարձրացում, կամ պահանջվում է ամենագնաց։ Արահետը տեւում է մոտ երկու ժամ յուրաքանչյուր ուղղությամբ, ուստի անպայման տաք հանդերձանք վերցրեք։

Ուշգուլի, Սվանեթի
Ուշգուլին բաղկացած է մի քանի գյուղերից՝ Ժիբիանի, Չվիբիանի, Չաժաշի, Մուրկմելի եւ Լամջուրիշի: Եվրոպայի ամենաբարձր մշտապես բնակեցված վայրերեից մեկն է, որտեղ քարե դիտաշտարակներ բարձրանում են ավանդական տների վրա, Կովկասի ամենաբարձր գագաթների շրջապատում։ Իսկական ճանապարհորդություն ժամանակի միջով։ Ուշգուլիի Վերին Սվանեթի գյուղերի կառույցների մի մասը համարվում է ՅՈՒՆԵՍԿՕ-ի ժառանգություն: Տարվա 6 ամիսների ընթացքում տարածքը ձյունածածկ է։ Հասանելի է Մեսթիայով անցնող դժվարանցանելի ճանապարհով, լավագույնն է հունիսից սեպտեմբեր ընկած ժամանակահատվածում։ Այստեղ կարելի է հանդիպել տիպիկ սվանեթական պաշտպանական աշտարակների։ Ուշգուլի մատուռը թվագրվում է 12-րդ դարով, որը գտնվում է գյուղի մոտակա բարձունքի վրա։

Ուպլիսցիխե Քարանձավային Քաղաք
Մտկվարի գետի վրայով անցնող ապարային լեռնաշղթան իր մեջ թաքցնում է վաղ երկաթի դարաշրջանի քարանձավային բնակատեղիների, սրահների ու հեթանոսական տաճարների բնակավայր, որը հետագայում համալրվել է վաղ քրիստոնեական եկեղեցիներով։ Հիմնադրվել է մ․թ․ա․ I հազարմյակի 1-ին կեսին, անտիկ շրջանում ու վաղ միջնադարում եղել կենտրոնական Քարթլիի անառիկ ամրոցներից մեկը, իսկ IX դարում կարճ ժամանակով եղել է Վրաստանի մայրաքաղաքը։ Այս վայրը գտնվում է Գորիի մոտակայքում, հեշտությամբ համատեղվում է քաղաքի թանգարանների այցով։

Վարձիայի Քարանձավային Վանք
Այս վիմափոր վանական համալիրը գտնվում է Սամցխե Ջավախեթի մարզում՝ Կուր գետի հովտում: Այն ժայռափոր համալիր է, որն իր մեջ ներառում է փորված մոտ 600 որմնասենյակներ (եկեղեցիներ, ժամատներ, բաղնիքներ, գրադարաններ, բնակելի սենյակներ եւ այլն)։ Համալիրի որմնասենյակները ժայռի մեջ խորանում են մինչև 50 մ եւ բարձրանում վերև՝ մինչև ութ հարկ։ Պահպանվել են գաղտնի անցուղիներ, որոնք որմնասենյակները կապում են միմյանց, ինչպես նաև պահպանվել են ջրագծի մնացորդները։ Համալիրից տպավորիչ տեսարան է բացվում դեպի Մտկվարի հովտ։

Դավիթ Գարեջայի Վանական Համալիր
Դավիթ Գարեջայի վանքային համալիրը 6-րդ դարով թվագրվող վրացական վիմափոր վանական համալիր է. գտնվում է Թբիլիսիից 60 կմ դեպի հարավ-արեւելք՝ վրաց-ադրբեջանական սահմանին։ Համալիրը ներառում է միմյանցից անջատ մոտ 20 վանք եւ ընդգրկում Վրաստանի երեք շրջանների տարածքները՝ Գարդաբանի, Սագարեջոյի եւ Սիղնաղի։ Համալիր գլխավոր կոթողն է սահմնաին գտնվող Սուրբ Դավիթ Գարեջայի վանքը։ Սահմանն անցում է լեռան վերեւով, որը վրացական աղբյուրները կոչում են վանքերից մեկի անունով՝ Ուդաբնո։ Բացի դրանից, լեռան հարավային լանջին գտնվում է ավելի քան 100 քարանձավ, որոնք ժամանակին օգտագործվել են վանականների կողմից որպես խցեր։ Սահմանից ավելի հեռու է 12-րդ դարով թվագրվող Բերթուբանի վանքն է։ Վանքերում եւ ընթրիքի համար նախատեսված սենյակներում պահպավել են VIII - XIV դարերի որմնանկարներ, որոնց վրա պատկերված են տարբեր պատմական անձինք, այդ թվում նաև Թամար թագուհին։

Թբիլիսիից կեսօրյա շրջագայությունը բավարար վանական համալիրը բացահայտելու համար: Խորհուրդ է տրվում վերցնել արեւապաշտպան միջոցներ։

Սիղնաղի և Կախեթիի 
Սիղնաղ քաղաք գտնվում Կախեթի մարզի պատմական շրջանում։ Հայտնի է համանուն ամրոցով, որը մտնում է Վրաստանի ամենահայտնի եւ խոշոր ամրոցների ցանկում։ Սիղնաղի ամրոցի պատերը հրաշքով պահպանվել են եւ առայսօր շրջապատում են քաղաքի հին հատվածը։ Ամրոցի պատն ունի 28 աշտարակ, որտեղից բացվում է հիանալի տեսարան Ալազանի հովիտ։ Ամրոցի պատերի շուրջ այգիներ են, որտեղ դեռևս կենդանի է քվեվրիի հնագույն ավանդույթը։ Այս վայրերով ճանապարհորդելիս ծրագրի մեջ կարող եք ներառել նաև 11-րդ դարի առաջին քառորդով թվագրվող եւ ՅՈՒՆԵՍԿՕ-ի Համաշխարհային ժառանգության օբյեկտների ցանկի մեջ ներառված Ալավերդու տաճարը։

Քանի որ Կախեթը համարվում է վրացական գինեգործության սիրտը, մարզում ամենուր գինու համտեսներն ու մառանների այցերը կազմակերպվում են ամենաբարձր մակարդակով։

Բաթումը և Սեւծովյան Ափեզերքը
Բաթումը մեծությամբ երկրորդ խոշորագույն քաղաքն է Վրաստանում։ Տեղակայված է Սեւ ծովի ափին և համարվում է ժամանակակից Վրաստանի գլխավոր զբոսաշրջային, ինչպես նաև տնտեսական և մշակութային կենտրոններից մեկը։ Վրաստանի մերձարեւադարձային ափին արմավազարդ զբոսայգիները հատվում են մերօրյա մոդեռն բարձրահարկերին։ Բաթումիի բուսաբանական այգին տարածվում է քաղաքը եզերող բլուրների վրա, իսկ ափամերձ զբոսայգին ամեն երեկո լցվում է առօրեական կյանքի ռիթմով։ Ի հակադրություն լեռնային մարզերի խաղաղ մթնոլորտին, այս վայրը իդեալական է ափամերձ հանգստի համար։

Մագելլանյան Դիտարկումներ
Մագելլայնը տեսանկյունից Վրաստանի տեսարժան վայրերը մեկ ընդհանուր պատմության առանձին գլուխներ են. վանականների կողմից փորված քարանձավային վանքեր, լեռնային համայնքների կողմից կառուցված դիտաշտարակներ, Կախեթիի գինու մառաններ, Բաթումի ափին ոսկեգույն երեկոներ եւ այլն։ Վրաստանով շրջագայելը նշանակում է անցնել հին եւ նոր ժամանակաշրջանների լաբիրինթոսով, անապատային ապարների եւ ձյունածածկ գագաթների միջով՝ միշտ ավելի շատ պատմությունների եւ ավանդույթների սպասումով։