Իտալիան յուրատեսակ երկիր է: Լինելով Հռոմեական կայսրության եւ Վերածննդի ծննդավայրը՝ Իտալիան հսկայական ազդեցություն է թողել «Արեւմտյան Աշխարհի» մշակույթի, արվեստի եւ ճարտարապետության վրա։ Երկրի տարբեր անկյուններում պատմությունը դրսեւորվում է յուրահատուկ ձեւով՝ հին ավերակների, հոյակապ տաճարների, դասական հրապարակների եւ այլատեսակ ճարատարապետական հորինվածքների միջոցով, որոնք դարեր շարունակ ոգեշնչել են աշխարհը։ Այս արժեքավոր ժառանգության մեծ մասը ներառված է ՅՈՒՆԵՍԿՕ-ի համաշխարհային ժառանգության ցանկում։

Հավերժական Հռոմում պատմությունը ամենուր է՝ Հռոմեական կայսրության մնացորդներից մինչև Վատիկանի արվեստի գլուխգործոցները։ Ֆլորենցիան առաջարկում է Վերածննդի հանճար Միքելանջելոյի «Դավթին» եւ Բրունելեսկիի հոյակապ տաճարը։ Պիզայի հայտնի թեք աշտարակը, Վենետիկի ռոմանտիկ ջրանցքները, Միլանի նորաձեւության աշխարհը եւ Պոմպեյի պահպանված հին քաղաքը Իտալիայի պատմության տարբեր էջեր են ներկայացնում։

Սակայն Իտալիայի գեղեցկությունը սահմանափակված չէ միայն քաղաքներով եւ հուշարձաններով։ Հյուսիսում բարձրանում են Ալպերի գագաթները, լեռների միջև փայլում են լճերը, իսկ միջեկրածովյան ափերը ստեղծում են Եվրոպայի ամենատպավորիչ բնապատկերներից մեկը։

Վերոնշյալ տեսարժան վայրերը ներկայացնում են Իտալիայի բազմազան աշխարհը՝ արվեստ, պատմություն, նորաձեւություն, խոհանոց, բնություն եւ այն յուրահատուկ մթնոլորտը, որը կոչվում է իտալական կյանքի արվեստ։

Մագելլայնի աչքերով Իտալիան կենդանի պատմություն է։ Ամեն հրապարակ, ափ եւ բլրի վրա կառուցված գյուղ իր մեջ կրում է դարերի հիշողությունը եւ միաժամանակ հրավիրում է վայելելու ներկայի գեղեցկությունը։ Իտալիան բացահայտելը նշանակում է ոչ միայն տեսնել տեսարժան վայրերը, այլ դանդաղ քայլել, համտեսել, զգալ եւ ճանաչել կյանքի արվեստը։