Պարագվայը ծովային ելք չունի, եւ իր պատմության մեծ մասի ընթացքում գետերն են կատարել ծովային ուղու դերը։ Պարագվայ եւ Պարանա գետերը մարդկանց եւ բեռները տեղափոխում էին դեպի հարավ՝ Բուենոս Այրես եւ Ատլանտյան օվկիանոս։ Ավիացիան այդ փոխադրումները տեղափոխեց օդային տարածք, սակայն աշխարհագրական առանձնահատկությունները մնացին նույնը։ Սա մի երկիր է, որտեղ կարելի է մուտք գործել մեկ հիմնական օդանավակայանով եւ հարևան երկրներին պատկանող մի քանի «պատուհաններով»։

Երկրի գլխավոր մուտքը տեղակայված է Լուկեում՝ Ասունսյոնի մատույցներում։ Պարագվայ կատարվող միջազգային ուղեւորափոխադրումների մեծ մասն մեկնարկում կամ ավարտվում է այստեղ, թեև շատերը նախ անցնում են Սան Պաուլոյով, Բուենոս Այրեսով կամ Պանամա Սիթիով։ Պարագվայի օդանավակայանները փոքր են՝ համեմատած Գուարուլյոսի (GRU) կամ Էսեյսայի (EZE) հետ։ Երկրի օդային հաղորդակցությունն առավել արդյունավետ է գործում, երբ այդ խոշոր հանգույցները դիտարկվում են որպես երթուղու մաս։

Ասունսյոնի Սիլվիո Պետիրոսիի Անվան Միջազգային Օդանավակայան (ASU)
Օդանավակայանը կրում է այն հայտնի պարագվայցի օդաչուի անունը, ով ավիացիայի զարգացման վաղ շրջանում օղակաձև թռիչքներ էր կատարում Բուենոս Այրեսի եւ Փարիզի երկնքում։ Այն չափերով համեստ կառույց է՝ մեկ տերմինալով։ Օդանավակայանից դուրս գալիս դեպի մայրաքաղաք ճանապարհն անցնում է Լուկեով, որտեղ մեղ ձմեռային ամիսներին լապաչո ծառերը պողոտաները ներկում են վարդագույն գույնով։

Էյր Եվրոպան Մադիրդից իրականացնում է ուղիղ եւ կանոնավոր թռիչքներ դեպի Պարագվայ, որը Եվրոպայի հետ միակ ուղիղ կապն է։ Copa ավիաընկերությունը կապում է Ասունսյոնը Պանամա Սիթիում գտնվող իր հանգույցի հետ՝ ճանապարհ բացելով դեպի Հյուսիսային Ամերիկա եւ Կարիբյան ավազան։ LATAM եւ GOL ավիաուղիներն սպասարկում են Սան Պաուլոյի ուղղությունը։ Արգենտինական Ավիաուղիները թռիչքներ է իրականացնում դեպի Բուենոս Այրեսի «Աերոպարկե» (AEP) օդանավակայան, իսկ JetSMART-ը՝ դեպի «Էսեյսա» (EZE)։ Այստեղ տեղակայված պարագվայական Paranair ավիաընկերությունը սպասարկում է Մոնտեվիդեոն, Սանտա Կրուս դե լա Սիերան եւ Արգենտինայի հյուսիսում գտնվող մի շարք քաղաքներ։

Երկաթուղային կապ չկա, եւ Ասունսիոնում ուղեւորատար գնացքներ ընդհանրապես չեն գործում։ Դեղին տաքսիները սպասում են ժամանման սրահի մոտ։ Քաղաքում աշխատում են տաքսի ծառայությունների հավելվածներ, իսկ թեթև ուղեբեռով ճամփորդների համար դեպի կենտրոն հասանելի է քաղաքային ավտոբուս։

Գուարանիի Միջազգային Օդանավակայան (AGT) Սյուդադ դել Էստեում
Գուարանին գտնվում է Մինգա Գուասուում՝ Սյուդադ դել Էստեից արեւմուտք, Ալտո Պարանայի հարթավայրային կարմրահող գյուղատնտեսական տարածաշրջանում։ Օդանավակայանի թռիչքուղին ընդունում է ամենախոշոր բեռնատար ինքնաթիռները, եւ հիմնական չվերթները բեռնափոխադրումներ են, որոնք մեծամասամբ փոխկապակցված են ազատ առեւտրի գոտի հանդիսացող քաղաքի եւ դրա մարդաշատ առեւտրային փողոցների հետ։ Ուղեւորափոխադրումներ այստեղ իրականացվում են ընդհատումներով։ Այս օդանավակայանի միջոցով ճամփորդություն պլանավորելիս նախապես ստուգեք չվացուցակը։

Սահմանի Մյուս Կողմում
Իգուասուի ջրվեժներ այցելելու համար ճանապարհորդների մեծ մասը Բրազիլիայի կողմից թռչում է դեպի Ֆոս դու Իգուասու (IGU), որտեղ կան կանոնավոր չվերթներ Սան Պաուլոյից եւ Բրազիլիայի այլ քաղաքներից։ Սյուդադ դել Էստեն գտնվում է Բարեկամության կամրջի (Puente de la Amistad) մյուս կողմում։ Արգենտինայի կողմից ջրվեժներին սպասարկում է Պուերտո Իգուասու (IGR) օդանավակայանը։

Տրինիդադի եւ Խեսուսի ճիզվիտական ​​պատմական համալիրները Ասունսյոնից դեպի հարավ ավտոմոբիլային ճանապարհորդության հեռավորության վրա են։ Որոշ ճանապարհորդներ գալիս են հակառակ ուղղությամբ՝ թռչելով դեպի Արգենտինայի Պոսադաս (PSS) քաղաք եւ գետն անցնելով հասնում են Էնկարնասիոն։

Նախքան Թռիչքը
Պարագվայ սահմանը հատելու պայմանները կախված են ձեր անձնագրից։ Որոշ երկրների քաղաքացիներ կարող են ժամանել առանց վիզայի, մինչդեռ մյուսները պետք է նախապես ձեռք բերեն այն։ Տոմսը ամրագրելուց առաջ Պարագվայի հյուպատոսությունում ճշտեք գործող պահանջները։ Շատ երթուղիներ անցնում են Բրազիլիայի կամ Արգենտինայի տարածքով, ուստի ճշտեք նաև չվերթի հետ կապված տարանցման կանոնները։

Մագելլանյան Դիտարկումներ
Պարագվայը նպատակահարմար է այն ճանապարհորդների համար, ովքեր տարածաշրջանը դիտարկում են որպես մեկ ամբողջական քարտեզ։ Թռչեք դեպի Ասունսյոն, եթե նպատակակետը մայրաքաղաքն է, Չակոն կամ ճիզվիտական պատմական համալիրները։ Եվրոպայից գործող միակ երթուղին Մադրիդից է, որը սպասարվկում Էյր Եվրոպայի կողմից: Հյուսիսային Ամերիկայից՝ Պանամայով տարանցմամբ սովորաբար ավելի հարմար է Copa ավիաընկերությունը։ Սան Պաուլոյով եւ Բուենոս Այրեսով տարանցումը արժե դիտարկել, երբ այնտեղ արժեքներն ու ժամերն ավելի հարմար են։ Ջրվեժների եւ Սյուդադ դել Էստեի համար ամենագործնական ժամանման կետը Ֆոզ դու Իգուասուի օդանավակայանն է, որտեղից Սյուդադ դել Էստե հասնելը կարճ հեռահարության վրա է։ Կարող եք որպես վայրէջքի օդանավակայան դիտարկել Գուարանին, եթե կանոնավոր չվերթը համընկնում է ձեր ճամփորդական ծրագրին։