Նիդերլանդներն այն երկիրն է, որի բնակիչները այն խլել են ծովից. փոլդերների (առափնյա չորացված եւ խնամված տարածքներ) ու ջրանցքներով լի տարածություն, որտեղ գրեթե ամեն հորիզոն նախագծվել է մարդու ձեռքով։ Քիչ բան կա այստեղ պարզապես ժառանգված։ Ճահճուտները չորացվեցին, ափերը վերակառուցվեցին, եւ մի ամբողջ ազգ սովորեց հանգիստ ապրել այն վայրերեում, որոնք ժամանակին ջրի իշխանության ներքո էին: Այժմ հոլանդացիները նվաճում են երկինքը միեւնույն ձգտմամբ՝ այն է՝ կապվելու, կազմակերպվելու, հեռավորությունը հնարավորության վերածելու։

Տարածքով փոքր այս երկիրը մշտապես ունեցել է հսկայական մտահորիզոն։ Դարեր շարունակ նրա նավերը հոլանդական հետաքրքրասիրությունը տանում էին երկրի հեռավոր ծայրերը, եւ այժմ նրա օդանավակայանները ևս ունեն դեպի դուրս ուղղված նույն հայացքը։ Օդանավակայաններից ոմանք հառնել են անհետացած լճից խլված տարածության վրա։ Մյուսները սպասարկում են հսկա աշտարակներով, դատարաններով ու գյուտերով լի հին սահմանային ամրաշինական բլուրներով շրջապտված քաղաքներին։ Ամեն մեկը խոսում է երկրի իր այն հատվածի անունից, որն առաջին իսկ օրվանից պատի փոխարեն նախընտրել է կամուրջը։

Ամստերդամ Սխիփհոլ Օդանավակայան (AMS)
Սխիփհոլը զբաղեցնում է մի լճի մակերեսը, որն այլևս գոյություն չունի։ Այնտեղ, ուր ժամանակին փոթորիկներում խորտակվում էին ձկնորսական նավակները, ճամփորդներն այժմ ինքնաթիռ են փոխում մեկ ընդարձակ համալիրի ներքո, քանզի հոլանդացիներն իրենց մեծ օդանավակայանը կառուցեցին մեկ տերմինալի սկզբունքով՝ մեկ մեծ տերմինալը երեք ընդարձակ սպասասրահների բաժանված: Սխիփհոլը KLM-ի գործունէութեան կենտրոնն է: Այն Եվրոպայի ամենաանծանրաբեռնված օդային խաչմերուկներից մեկն է, եւ, չնայած նման եռուզեռին, այնուամենայնիվ այստեղ է գտնվում ազգային արվեստի հավաքածուի մասնաճյուղ ու փոքրիկ գրադարան։ Նրա թռիչքուղիներից անմիջապես այն կողմ փռված են ծաղկային դաշտերն ու աճուրդի տները, որ առավոտյան հոլանդական գույները սփռում են աշխարհով մեկ։

Ռոտերդամի Եւ Հաագայի Օդանավակայան (RTM)
Երկու քաղաքից կարճ հեռավորության վրա է գտնվում այս օդանավակայանը, որը պատկանում է երկուսին էլ։ Ռոտերդամը նավահանգստային քաղաք է՝ ամբողջովին լի դինամիկայով ու հնարամտությամբ, պատերազմի հետեւանքով գրեթե ամբողջությամբ հողին հավասարեցված ու հետո վերակառուցված որպես հառնող ժամանակակից ճարտարապետության պատկերասրահ, հավերժ նորանոր բարձունքների ձգտող։ Հարեւան Հաագայում տիրում է ավլի խաղաղ մթնոլորտ. այն հոլանդական կառավարության նստավայրն է, թագավորական բնակավայրերի ու աշխարհի մեծ դատարանների տունը։ Այստեղ վայրէջք կատարելը թույլ կտա քեզ բացահայտել Նիդերլանդները յուրովի՝ համարձակը կամ վեհը, եւ զարմանալիորեն հայտնաբերել, որ երկուսն էլ քո տրամադրության տակ են։

Էյնդհովեն Օդանավակայան (EIN)
Բրաբանտի տաք հարավային նահանգում տեղավորված է Էյնդհովեն քաղաքը. սա այն վայրն է, ուր ժամանակին արտադրվում էր աշխարհի էլեկտրական լամպերը, իսկ այժմ այստեղ նոր գաղափարներ են գեներացվում։ Նրա անունը կրում է էլեկտրոնիկայի մեծ ռահվիրայի հիշատակը, բայց ինքը վերստեղծել է իրեն որպես նորաձեւության ու տեխնոլոգիայի արհեստանոց, լի երիտասարդ գյուտարարներով։ Օդանավակայանը պարզ ու մատչելի ուղի է դեպի հարավ եւ սիրված է նրանց կողմից, ովքեր մատչելի տոմսեր են փնտրում, եւ այն իր դռներն է բացում մի երկրամասի առջև, որը ջանասիրաբար աշխատում է, ճոխությամբ տոնում իր դիմակահանդեսը եւ ամեն ինչին նայում է թեթեւությամբ։

Գրոնինգեն Էլդե Օդանավակայան (GRQ)
Հեռավոր հյուսիսն այլ կենցաղով է ապրում, որի կենտրոնը Գրոնինգենն է. աշխույժ ուսանողական քաղաք, ուր ուսանողներն ավելի շատ են, քան հոգսերը, եւ հորիզոնը անվերջ է թվում։ Նրա օդանավակայանը երկրի հյուսիսային դարպասն է, դեպի սեւահողի ու բաց ջրի նահանգներ, եւ դեպի Վադդենի ծով, մակընթացային ցեխի այն շարժուն տարածությունը, ուր տեղատվության ժամանակ մարդիկ ոտքով դուրս են գալիս դեպի կղզիներ, որ կարծես պոկվել են ափից։ Սա Հոլանդիան է իր ամենատարերային տեսքով, ուր ցամաքն ու ծովը օրը երկու անգամ փոխում են իրենց դիրքը։

Մաաստրիխտ Ախեն Օդանավակայան (MST)
Հենց երկրի հարավային ծայրին, որտեղ Նիդեռլանդները նեղանում է Բելգիայի եւ Գերմանիայի միջև, հողն անում է այն, ինչ այստեղ համարյա ոչ մի տեղ չի անում, այն վերածվում է բլուրների։ Մաաստրիխտը հնագույն քարե քաղաք է՝ հռոմեական արմատներով եւ բուրգունդյան ախորժակով, որտեղ երեք ազգեր կիսում են իրենց հրապարակները, շուկաները ու երկար ճաշկերույթները։ Նրա օդանավակայանը մի ձեռքով առեւտուր է իրականացնում՝ բեռնափոխադրումներ իրականացնելով ողջ մայրցամաքով, իսկ մյուսով՝ հյուրընկալության մեջ է եւ դիմավորում է նրանց, ովքեր գալիս են հեռավոր հարավի բարեկեցիկ կյանքի համար։

Մագելլանյան Դիտարկումներ
Այս օդանավակայանները միասին վերցրած հոլանդական ճամփորդական փորձառության մեկնակետն են. տարբեր եղանակներ՝ ժամանելու մի երկիր, որը ձեւավորվել է ջրով, հնարամտությամբ, առեւտրով եւ մարդկանց ու վայրերը կապելու բնազդային տաղանդով։ Սխիփհոլի հսկայական միջազգային խաչմերուկից մինչև Ռոտերդամի եւ Էյնդհովենի ժամանակակից էներգիան, Գրոնինգենի հյուսիսային հյուրընկալությունը եւ Մաաստրիխտի հին աշխարհի բնույթը, յուրաքանչյուր դարպաս բացահայտում է Նիդեռլանդները յուրովի։ Տերմինալներից այն կողմ ընկած են ջրանցքներ եւ քարե փողոցներ, մեծ նավահանգիստներ եւ խաղաղ գյուղեր, համալսարանական քաղաքներ եւ հին սահմաններ, բնապատկերներ, որտեղ հողն ու ջուրը դարեր շարունակ զրուցել են։

Հոլանդական օդանավակայանները ողջունում են աշխարհի տարբեր ծայրերից եկած ճանապարհորդներին եւ ուղարկում նրանց առաջ դեպի մի բնապատկեր, որտեղ գրեթե յուրաքանչյուր ճանապարհ, գետ, երկաթուղի եւ թռիչքուղի պատմում է կապի եւ հաղորդակցության մասին։