Էթիհադ Էյրվեյս

Էթիհադ Էյրվեյսը (արաբերեն՝ شَرِكَة ٱلْاِتِّحَاد لِلطَّيْرَان, անգլերեն՝ Etihad Airways) Արաբական Միացյալ Էմիրությունների խոշորագույն ավիաընկերություններից մեկն է: Ընկերության կենտրոնական գրասենյակը գտնվում է Աբու Դաբիի քաղաքում: Ավիափոխադրողի կենտրոնակայանը Աբու Դաբիի միջազգային օդանավակայանն է: Էթիհադ Էյրվեյսը իր գործունեությունը սկսել է 2003-ի նոյեմբերից եւ հիմնադրումից ի վեր Էթիհադ Էյրվեյսը տարածաշրջանային ավիափոխադրողից վերածվեց գլոբալ ավիացիոն մրցակցի: Ստեղծագործական եւ նորարարական միջոցառումների շնորհիվ Էթիհադ Էյրվեյս Խումբը ստեղծել է արժեք, որը տալիս է ընտրության հարավորություն՝ ինչպես Աբու Դաբիում, այնպես էլ ամբողջ աշխարհում:

Էթիհադ Էյրվեյս Խումբը միջազգային ավիացիայի եւ զբոսաշրջային խումբ է, որը ներառում է հինգ բիզնես բաժիններ. գործառնություններ, մարդկային եւ կազմակերպչական խումբ, ֆինանսներ, թվային տեխնոլոգիաներ՝ և նորարարություն, և սպասարկում, վերանորոգում ու կապիտալ վերանորոգում (MRO):

Էթիհադ Էյրվեյսի օդային նավատորմում ներառված են բեռնատար ինքնաթիռներից մինչև նոր սերնդի ինքնաթիռներ (Բոինգ 787). նման բազմազան  ընտրության հնարավորությունը միշտ էլ հետաքրքրական է դարձնում Էթիհադ Էյրվեյսի հետ թռիչքը: Օդանավում դուք կզգաք ընտրության հնարավորություն, հարմարավետություն եւ բարձրակարգ հյուրընկալություն՝ հարմարավետ նստատեղերով եւ ամենահամեղ սննդով: Ավիաընկերությունը շաբաթական իրականացնում է 1000-ից ավել  թռիչքներ դեպի Մերձավոր Արեւելքի, Աֆրիկայի, Եվրոպայի, Ասիայի, Ավստրալիայի եւ Հյուսիսային Ամերիկայի ավելի քան 120 ուղղություններով՝ իրականացնելով թե ուղեւորափոխադրումներ, թե բեռնափոխադրումներ. 2020 թվականի փետրվարի դրությամբ ավիաընկերության օդային նավատորմը բաղկացած է 102 Էյրբաս եւ Բոինգ ինքնաթիռներից:

Ընկերությունը կոդշեյրնգային մեծ թվով համաձայնագրեր ունի տարբեր ավիաընկերությունների հետ, ներառյալ՝ Aegean Airlines-ի, Թուրքական Ավիաուղիները, Մալազիական Ավիաուղիների, KLM-ի, Ամերիկյան Ավիաուղիների եւ Արեւելաչինական Ավիաուղիների հետ: Բացի այս համաձայնագրերից, այն համագործակցում է նաեւ մի քանի այլ ավիաընկերությունների հետ, ինչպիսիք են՝ Jet Airways, Alitalia, Virgin Australia ու Air Seychelles:
 

Էթիհադ Էյրվեյսը ավիաընկերության չվերթները ներառում են բազմաթիվ չինական ուղղություններ, ինչպիսիք են Պեկինը, Շանհայը եւ Չենգդուն: Ավիաընկերությունը ուղեւորափոխադրումներ է իրականացնում նաեւ ամերիկյան խոշոր քաղաքներ՝ Նյու Յորք, Չիկագո, Լոս Անջելես ու Սան Ֆրանցիսկո: Այս երթուղիներից բացի, Էթիհադ Էյրվեյսը թռիչքներ է իրականացնում նաեւ եվրոպական հետեւյալ ուղղություններով՝ Լոնդոն, Բրյուսել, Ֆրանկֆուրտ ու Ամստերդամ:

Ավիափոխադրումներից՝ իր հիմնական գործունեությունից բացի, Էթիհադը շահագործում է նաեւ Etihad Holidays եւ Etihad Cargo ընկերությունները: 2015-ի հոկտեմբերին Էթիհադը ստեղծել է իր ավիաընկերությունների դաշինքը՝ Էթիհադ Էյրվեյս Պարթներսը. այս խմբում ներառնված ավիաընկերությունների ամրագրումները համախմբված է մեկ ցանցի ներքո: Այնուհանդերձ, ավիաընկերության սույն դաշինքը լուծարվեց 2018-ին:

Բրիտանական հեղինակավոր օդային տրանսպորտի վարկանիշային կազմակերպություն Skytrax-ի կողմից Էթիհադ Էյրվեյս հավաստագրվել է որպես 4-աստղանի ավիաընկերություն՝ իր օդանավակայանի որակի եւ օդանավերում առաջարկվող ապրանքների ու ծառայությունների որակի ու պրոֆեսիոնալ անձնակազմի համար: Ծառայության վարկանիշը ներառում է նստատեղեր, հարմարություններ, սնունդ ու ըմպելիքներ, IFE, մաքրություն եւ այլն. ծառայության գնահատականը նախատեսված է ինչպես խցիկների, այնպես էլ վերգետնյա անձնակազմի համար: